„Ekki treysta gervihnattasímum“
Gervihnöttur fyrir GPS-staðsetningarkerfi á sveimi yfir jörðinni. Reuters
Sérfræðingar vara við því að með næga tölvuþekkingu geti hver sem er hlerað gervihnattasíma sem meðal annars ýmis stjórnvöld nýti sér til samskipta á svæðum þar sem ekki er hægt að treysta á hefðbundna samskiptatækni.
Benedikt Driessen og Ralf Hund, sérfræðingar í öryggisfræðum við Háskólann í Ruhr í Þýskalandi, segja að sér hafi tekist að rjúfa dulkóðun sem notuð er til þess að vernda samskipti í gegnum tvö slík símakerfi. Þeir segja að ekki þurfi merkilegan eða dýran tæknibúnað til þess að gera slíkt hið sama sé þekkingin fyrir hendi.
Þeir félagar hafa gefið út skýrslu um málið þar sem þeir útskýra það ítarlega en skýrslan ber einfaldlega heitið „Ekki treysta gervihnattasímum“ í íslenskri þýðingu.
Fréttavefur breska dagblaðsins Daily Telegraph segir frá þessu.
-
Segjast ekki bera ábyrgð
-
Lokaæfingar í Bakú
-
Lady Gaga lætur ekki þvinga sig
-
Eurovision keppnin í SingStar
-
Bretar búast til hátíðahalda
-
Handtekin fyrir að mótmæla í Bakú
-
Hjólin fá að snúast að nýju
-
Bandalag múslíma lýsir yfir sigri
























