Tækni & vísindi | mbl | 9.2.2012 | 17:53

300 milljónir spjaldtölva seljast árið 2015

Frá UT-messunni í dag.

Um 300 milljónir spjaldtölva seljast árið 2015. Á sama tíma er gert ráð fyrir að um 1,1 milljarður snjallsíma seljist. Þetta segir Guðmundur Arnar Þórðarson, sérfræðingur hjá Nýherja, en hann hélt erindi um sýndarvæðingu á UT-messunni sem fram fer í dag og í kvöld.

Guðmundur segir slíkar spár í takt við breytt landslag innan fyrirtækja. Notendur vilja velja sjálfir þau tæki sem þeir nota til þess að vinna og miðla upplýsingum og gögnum.

Guðmundur segir að nú sé að ryðja sér til rúms það sem kallað hefur verið „Bring your own device" (BYOD), þar sem starfsfólk fær styrk hjá vinnuveitanda til kaupa á tölvum, í stað þess að fá afhenta tölvu frá fyrirtækinu.

„Sýndarvæðing útstöðva er lykilþáttur í slíku fyrirkomulagi en þannig geta notendur valið hvaða endabúnað þeir nota við vinnu sína, hvort sem það er fartölva, spjaldtölva eða farsími, óháð stað og stund. Starfsfólk getur ráðið því hvernig tæki þeir nota til að kalla vinnuumhverfið sitt fram.“

Með sýndarlausn er hægt að ganga enn lengra og tengjast vinnuumhverfinu á öruggan hátt með bæði farsíma og spjaldtölvu óháð því hvar í heiminum viðkomandi er staddur. „Fólk vill sveigjanleika og í auknum mæli er búnaðurinn hluti af lífsstíl viðkomandi. Um leið vill fólk hafa einfaldleikann í fyrirrúmi og nálgast gögnin óháð stað og stund.“

Getur falið í sér verulegt hagræði

Hann segir að gert sé ráð fyrir að um 20 milljón tölva starfsfólks í fyrirtækjum um heim allan verði sýndarvæddar fyrir tölvuský árið 2014. „Mörg fyrirtæki eru farin að huga að slíkri lausn enda getur hún falið í sér verulegt hagræði, t.d. með einfaldari rekstri og umtalsverðum sparnaði í orkunotkun, samkvæmt greiningafyrirtækjum.“

Sýndarvæðing útstöðva felur í sér að allur hugbúnaður og stýrikerfi er ekki vistaður á útstöðvum notenda heldur hýstur á einum miðlægum stað. Það eru því í raun engin forrit eða gögn vistuð á búnaði notenda heldur eru þau sótt yfir tölvuský, segir í frétt Nýherja.

Tækni og vísindi »

Hægt að fylgjast með þvergöngu Venusar

24.5. Senn líður að þvergöngu Venusar, 5.-6. júní, og er undirbúningur í fullum gangi hjá félagsmönnum Stjörnuskoðunarfélags Seltjarnarness. Til að gera sem flestum kleift að skoða sólina á öruggan hátt og sjá Venus á sólskífunni hefur félagið hafið sölu á sérstökum myrkvagleraugum. Meira

Einn af stofnendum Apple, Steve Wozniak, með Powerbook þar sem eplið fræga er á hvolfi.

Eplið var á hvolfi fyrir notandann

22.5. Eitt sinn sneri hið þekkta kennimerki Apple öfugt á fartölvunum fyrirtækisins þegar þær voru opnar. Því var breytt eftir nokkur ár en nú hefur fyrrverandi starfsmaður hjá Apple, Joe Moreno, útskýrt á bloggsíðu sinni hvernig á þessu stóð. Meira

Faðir fjarstýringarinnar er látinn

22.5. Uppfinningamaðurinn Eugene Polley, sem fann upp fjarstýringuna er látinn, 96 ára að aldri. Uppfinning hans, Flash-Matic beindi ljósi að fótósellum sem staðsettar voru á sjónvarpstækjum og þannig var hægt að kveikja og slökkva á tækinu og skipta á milli stöðva. Meira

Hluti heilans minnkar við áföll

Skjálftinn og flóðbylgjan ollu gríðarlegri eyðileggingu og manntjóni.

22.5. Tilfinningaleg streita af völdum flóðbylgjunnar í Japan í fyrra olli því að hluti heila eftirlifendanna skrapp saman. Þetta segja japanskir vísindamenn sem hafa rannsakað taugafræðileg áhrif sálrænna áfalla. Meira

Hrotur auka líkur á krabbameini

21.5. Bandarískir vísindamenn hafa sýnt fram á að hrotur og aðrar svefntruflanir, sem hamla eðlilegu súrefnisflæði um líkama mannsins í hvíld, geta aukið líkur á krabbameini. Meira

Hönnuður innsendingakerfis Wikileaks á landinu

22.5. Netkerfaráðstefna Terena fór vel af stað í Háskólabíói í gær. Einn fyrirlesara er Jake Appelbaum sem kom að hönnun kerfisins sem gerir fólki kleift að senda órekjanlegar upplýsingar til Wikileaks. Meira

Einkarekin geimflaug á loft

Falcon 9-eldflaugin frá SpaceX á skotpalli.

22.5. Bandaríska fyrirtækið SpaceX varð í dag fyrsta einkafyrirtækið til að skjóta á loft eigin eldflaug til Alþjóðlegu geimstöðvarinnar. Meira

Plöntulykill í snjallsímann

21.5. Plöntulykillinn, greiningarlykill fyrir íslensku flóruna, kemur á markað fyrir Android símtæki og spjaldtölvur í byrjun næsta mánaðar. Lykillinn gerir fólki kleift að greina á einfaldan hátt um það bil 470 plöntur en af þeim eru rúmlega 800 ljósmyndir og ítarlegar teikningar af sérkennum þeirra. Meira

Krefja Google um skýringar

21.5. Samkeppnisyfirvöld Evrópusambandsins hafa gefið bandaríska tölvufyrirtækinu Google vikur til þess að veita upplýsingar í tengslum við rannsókn samkeppnisyfirvalda á markaðsráðandi stöðu Google varðandi leitarvélar á netinu. Meira

Magnaður hringmyrkvi

21.5. Milljónir manna fylgdust með hringmyrkva um helgina og sögðu áhorfendur atburðinn hafa verið afar magnaðan. Meira

„Gramsað“ eftir rafrænum bókum

21.5. Waterstones-bókabúðirnar á Bretlandseyjum munu brátt hefja sölu á Kindle-lesvélinni frá Amazon og gera bókaormum kleift að „gramsa“ eftir rafrænum bókum í búðum sínum. Þetta kemur fram á vef breska ríkisútvarpsins. Meira

Pakistanar komast á Twitter á ný

Pakistanar komust ekki inn á Twitter í dag

20.5. Pakistönsk stjórnvöld hafa opnað fyrir aðgang að samskiptavefnum Twitter á ný en vefnum var lokað fyrr í dag vegna samkeppni sem þar fór fram þar sem fólk gat sett inn skopmyndir af Múhameð spámanni. Meira

Lokað á Twitter vegna guðlasts

20.5. Pakistönsk stjórnvöld lokuðu í dag á samskiptasíðuna Twitter, vegna keppni sem efnt hefur verið til þar um að birta skopmyndir af spámanninum Múhammeð. Meira

Árás gerð á Pirate Bay

16.5. Tölvuárás hefur lamað starfsemi skráarskiptasíðunnar Pirate Bay (TPB) undanfarinn sólarhring og hefur verið nánast ómögulegt að komast inn á vef þeirra. Meira

Fágætur sólmyrkvi um helgina

16.5. Morgunhanar í Kína og Japan geta orði vitni af fágætum sólmyrkva um helgina. Um verður að ræða svokallaðan hringmyrkva sem verður þegar tunglið skyggir fyrir sólkringluna miðja en ekki jaðar hennar, séð frá athugunarstað. Meira

Samdráttur í farsímasölu

16.5. Farsímasala dróst saman á fyrsta ársfjórðungi og er þetta í fyrsta skipti sem salan á farsímum dregst saman frá því á fyrir hluta ársins 2009. Samsung seldi flesta farsíma á fyrstu þremur mánuðum ársins. Meira

Ásókn í Diablo 3 olli hruni

Í Diablo stjórnar leikmaðurinn ólíkum hetjum í stríðinu við hið illa

16.5. Þriðja útgáfa af Diablo tölvuleiknum var gefin út í vikunni sem tölvuleikjarisinn Blizzard framleiðir. Ríflega áratugur er síðan önnur útgáfa leiksins kom út, seldist í tæplega 20 milljónum eintaka og vann til fjölda verðlauna. Meira

Nýr íslenskur tölvuleikur á markað

Zorblobs, leikurinn sem Fancy Pants Global vinnur nú að því að klára.

15.5. Íslenski tölvuleikjaframleiðandinn Fancy Pants Global vinnur nú að þróun á nýjum tölvuleik sem það hyggst markaðssetja á síðari hluta þessa árs. Meira