Rússar senda þrjá út í geim

Þrír geimfarar, tveir Rússar og einn Bandaríkjamaður, lögðu upp í geimferð til Alþjóðageimstöðvarinnar í morgun. Farartækið var rússnesk geimflaug af gerðinni Soyuz og þetta er fyrsta mannaða geimför Rússa í fimm mánuði.

Rússar eru nú eina þjóðin sem getur sent geimfara til Alþjóðageimstöðvarinnar.

Allt í allt verða geimfararnir, þeir Joseph Acaba, Gennadí Padalka og Sergei Revin, úti í geimnum í 126 daga og stendur til að þeir geri 40 tilraunir af ýmsum toga.

Flauginni var skotið á loft frá Baikonur-skotpallinum í Kasakstan og gekk geimskotið eins og best verður á kosið. Búist er við að geimfararnir komist á áfangastað á fimmtudagsmorgun, en áætlaður ferðatími er tveir sólarhringar. Þrír geimfarar eru fyrir í geimstöðinni; Rússinn Oleg Kononenko, bandaríski geimfarinn Don Pettit og Hollendingurinn Andre Kuipers. Þeir hafa verið í stöðinni í næstum því fimm mánuði, síðan í desember.

mbl.is
Viðhald fasteigna
Við þjónustum þig með lítil sem stór verk. Tímavinna eða tilboð. sími: 544-44...
Infrarauður Saunaklefi -Tilboð 48.000 kr afsláttur eða 291.000 1stk eftir
Tilboð 48.000 kr afsláttur eða 291.000 1stk eftir - 3manna klefi - low EMF- m...
Sumarhús
Get boðið hágæðaefni úr finnskri furu (límtré) í vönduð sumarhús. Allt efni til...
Fyrir verslunarmannahelgina !!!
Til sölu 2ja manna tjald. Verð kr 4000. 4 manna tjald Verð kr 10000. Samanbrjót...