Fimm milljón glasabörn hafa fæðst í heiminum frá því fyrsta glasabarnið, Louise Brown, leit dagsins ljós í Bretlandi í júlímánuði 1978. Móðir hennar, Leslie Brown, lést nýverið.
Á ráðstefnu sem nú stendur yfir í Tyrklandi þar sem rætt er um tæknifrjóvganir vara sérfræðingar fólk við því að treysta of mikið á tæknifrjóvganir ef barneignum er frestað, samkvæmt frétt á vef BBC.
Á vef BBC kemur fram að glasafrjóvganir heppnist í 33,1% tilvika hjá konum yngri en 35 ára. Á aldrinum 35-37 ára lækkar hlutfallið í 27,2%, 19,3% þegar konur eru á aldrinum 38-39 ára og þegar konur eru á aldrinum 40-42 ára heppnast glasafrjóvgun einungis hjá 12,5% kvenna.