Snjallt heimili frá morgni til kvölds

Spænskir frumkvöðlar frá Madríd hafa hannað íbúð þar sem veggir og gólf eru snertiskjáir og hægt að komast á netið með því einu að veifa litla fingri.

Frá morgni til kvölds getur netfíkillinn sem vanur er orðinn snertiskjánum notað þessa snjöllu tækni sem hingað til hefur verið kennd við farsíma og spjaldtölvur til að takast á við hversdagslegar athafnir, s.s. að slökkva á vekjaraklukkunni, hækka í tónlistinni og slökkva ljósin. En hann getur líka komist á netið hvar sem er í íbúðinni með því að veifa hendinni. Þá birtist vefsíða á næsta vegg.

Því er hægt að vera nettengdur alls staðar - alltaf.