Google Play eins árs

AFP

Vefverslun Android-stýrikerfisins, Google Play, fagnaði eins árs afmæli í gær. Var afmælinu fagnað á ýmsan hátt, meðal annars með tilboðum á bókum, leikjum, tónlist, kvikmyndum og snjallsímaforritum.

Google Play var sett á markað þann 6. mars í fyrra til höfuðs helsta keppinaut Android, iTunes vefverslun Apple. Nú eru milljónir rafbóka þar til sölu sem og gríðarlegt magn tónlistar og um 700 þúsund snjallsímaforrit.