Rekin fyrir tíst

Varasamt getur verið að tísta um hvað sem er.
Varasamt getur verið að tísta um hvað sem er.

Kona sem þótti sér misboðið er hún heyrði á samtal tveggja manna á ráðstefnu tölvuforritara og kvartaði undan þeim og birti mynd af mönnum á twitter hefur verið rekin úr starfi.

Adria Richards sat skammt frá þátttakendunum tveimur sem grínuðust og beittu fyrir sig tæknilegum frösum, eins og „stórar dinglur“ og „glennuhvílur“, sem hún taldi vera kynferðislegar athugasemdir.

Kvartaði hún undan þeim við skipuleggjendur ráðstefnunnar og var annar þeirra rekin úr starfi en fyrirtæki hans var eitt helsta styrktarfyrirtæki ráðstefnunnar.

Richards hefur í millitíðinni sætt harðri gagnrýni fyrir athæfi sitt og setið undir aðfinnslum á samskiptasíðum á netinu.  Meðal annars bárust henni líflátshótanir og tölvuþrjótar brutust inn í tölvu hennar.

Og hún átti eftir að þurfa bíta frekar úr nálinni fyrir tístið því hún hefur einnig misst vinnuna, hjá fyrirtæki að nafni SendGrid. Hún þótti með athöfnum sínum hafa splundrað hópi sem ætlast var fremur til að hún sameinaði. Talsmaður fyrirtækisins segir að hún hafi „farið yfir strikið“ og gæti því ekki lengur uppfyllt starfsskyldur sínar.

mbl.is

Bloggað um fréttina

Skrifstofustjóri
Stjórnunarstörf
Skrifstofustjóri óskast til starfa hjá ...
Félagsstarf
Staður og stund
Árskógar 4 Smíðar/útskurður með leiðb. k...
Félagsstarf
Staður og stund
Árskógar 4 Smíðar/útskurður m./leiðb. kl...
Félagsstarf
Staður og stund
Árskógar 4 Opin smíðastofa kl. 9-16. Sun...