Sölvi Páll hakkari ársins

Sigurvegari í Hakkarakeppni HR árið 2013 er Sölvi Páll Ásgeirsson, nemi á öðru ári í kerfisfræði við Háskólann í Reykjavík en níu keppendur kepptust að ráða yfir tölvu hinna keppendanna í hálftíma fyrir fullum sal á föstudagskvöldið.

Keppendurnir komu úr nemendahópi HR og atvinnulífinu auk þess sem tveir erlendir keppendur flugu sérstaklega til landsins til að keppa í úrslitunum. Stig voru gefin eftir því hvað keppendur voru lengi með yfirráð yfir tölvu annarra keppenda. Dr. Ýmir Vigfússon, lektor við tölvunarfræðideild HR, lýsti keppninni og hélt samtímis fyrirlestur um tölvuöryggi, samkvæmt tilkynningu frá Háskólanum í Reykjavík.

 Sölvi Páll segir í fréttatilkynningu þátttöku í Hakkarakeppninni hafa verið lærdómsríka. „Þetta krefst þess að stíga út fyrir þægindarammann. Þó að ég hafi verið fyrir framan tölvuskjáinn frá því ég var krakki þá eru þetta allt örðuvísi aðstæður en maður er vanur.“ Hann segir góðan undirbúning skipta miklu máli en keppendur vita það með nokkurra vikna fyrirvara að þau keppi í úrslitum. „Annars var þetta ótrúlega skemmtileg reynsla og mér finnst þessi keppni algjör snilld.“ Sölvi Páll er á öðru ári í kerfisfræði í HMV, háskólanámi með vinnu, en hann starfar í Reiknistofu bankanna.

Tölvuhakk eða tölvuinnbrot snúast um að finna hugsanlegar „holur“ í forritum með það fyrir augum að koma inn í þau falsupplýsingum sem breyta eiginleikum og hegðun þeirra. Tilgangur með hakkarakeppni er að kenna næstu kynslóð forritara að þekkja andstæðinginn og fyrirbyggja árásir tölvuþrjóta. Tölvuinnbrot nútímans eru ekki lengur framkvæmd af forvitnum unglingum heldur af stórum skipulögðum glæpasamtökum. Þessi glæpasamtök nýta sér afar bága stöðu upplýsinga- og tölvuöryggis til að stela upplýsingum, misnota búnað, framkvæma iðnaðarnjósnir og skemma fyrir samkeppnisaðilum viðskiptavina sinna. Til að geta fyrirbyggt árásir tölvuþrjóta er nauðsynlegt að vita hvernig þrjótarnir hugsa.

Dr. Ýmir Vigfússon, lektor við tölvunarfræðideild HR og einn stofnenda öryggisfyrirtækisins Syndis, er forsprakki Hakkarakeppninnar. „Flest íslensk fyrirtæki hafa takmarkaða þekkingu á hvernig unnt sé að tryggja upplýsingaöryggi. Í mörgum íslenskum fyrirtækjum er litið framhjá þessum vanda, enda er hann víðþættur og flókinn. Menn telja sig oft nægilega verndaða með því að nota vírusvarnir og eldveggi en því fer fjarri að slíkur búnaður nægi. Gallarnir liggja oft í sérsmíðuðum hugbúnaði, rangri uppsetningu og ýmsum mannlegum þáttum. Sem dæmi hefur starfsfólk í stórfyrirtækjum verið lokkað til að setja smitaða USB-lykla í vinnustöðvarnar sínar. Þá er einnig einfaldlega hægt að mæla tímann á milli slaga þegar þú slærð lykilorðið þitt inn og nota síðan líkan af því hvernig fingur hreyfast til að álykta hvað það er” er haft eftir Ými í fréttatilkynningu.

Þetta var í þriðja skipti sem Hakkarakeppni HR er haldin.  Yfir 50 manns tóku þátt í undankeppni Hakkarakeppninnar en níu kepptu í úrslitum.

mbl.is
Til sölu Ford Escape jeppi
Til sölu Ford Escape jeppi, benzín, árgerð 2007, ekinn tæpar 120 þús mílur. Vel ...
Sumarhús – Gestahús – Breytingar O?Fram
Sumarhús - Gestahús - Breytingar ? Framleiðum stórglæsileg sumarhús í ýmsum stær...
Bækur um ættfræði byggðasögu og ýmsan fróðleik til sölu
hef til sölu nokkur grundavallarrit ættfræðinnar ásamt ritum um atvinnu og byggð...
Citroen C4 sjálfskiptur og nýskoðaður
Dökkblár Citroen C4. Sjálfskiptur. Skoðaður maí '17. Verð: 250 þúsund. Ársgömul...
 
Félagsstarf
Staður og stund
Árskógar Opin smíðastofa kl. 9-15. Opið ...
Félagsstarf
Staður og stund
Árskógar 4 Smíðar og útskurður með leiðb...
Framkvæmdastjóri dómstólasýslunnar
Önnur störf
Framkvæmdastjóri dómstólasýslunnar Stj...
Samkoma
Félagsstarf
Samkoma kl. 20 í Kristniboðs- salnum. R...