Beðið eftir iPhone í níu daga

Það er meira en vika þar til hægt verður að kaupa nýja tegund iPhone síma en þrátt fyrir það er biðröð byrjuð að myndast fyrir utan Apple-verslunina í Ginza hverfinu í Tókýó.

Tetsuya Tamura, 44 ára kaupsýslumaður, er sá fyrstu sem er mættur fyrir utan verslunina og í samtali við AFP sagðist hann vera ánægður með að hafa mætt fyrstur í röðina. Sat hann á tjaldstól fyrir utan og tísti á iPhone 4 símann sinn. Alls er hann með 1000 fylgjendur á Twitter en hann nýtir sumarfríið sitt í biðina. Nýr iPhone fer í sölu í Japan þann 20. september nk.

Tamura er ekki einn í biðröðinni eftir iPhone 5s í Tókýó en síminnn fer í sölu eftir 9 daga. AFP

• Blogga um frétt