Tæknin eykur nánd í samböndum

AFP

Tæknin styrkir tengsl milli giftra para jafnvel þó að hún geti einnig verið uppspretta spennu í sambandinu. Þetta er niðurstaða nýrrar bandarískrar könnunar.

Í könnun Pew kemur fram að 21% giftra eða sambúðarfólks segir að samskipti í gegnum netið og sms færi það nær makanum.

Eitt af hverjum fjórum pörum segist senda maka sínum skilaboð jafnvel þótt báðir séu heima við. Þá segjast 9% hafa leyst erfið rifrildi í gegnum netið eða með sms-skilaboðum. 

En könnunin leiddi einnig í ljós að tæknin getur skapað spennu í sumum samböndum.

25% segja að farsíminn hafi truflandi áhrif á samverstundir með makanum. Þá segjast 8% rifist við makann vegna þess tíma sem hann eyddi á netinu.

42% 18-29 ára sem eru í alvarlegu sambandi segja að makinn hafi einhvern tímann verið annars hugar vegna farsímans. 41% fólks í sama aldurshópi segjast finna meiri nánd við maka sinn vegna netsins og símans.

„Tæknin er úti um allt og í samböndum okkar einnig,“ segir Amanda Lenhart, sem starfar hjá Pew. „Og hjá ungu fólki og þeim sem eru í nýjum samböndum hafa tæki eins og farsímar og samfélagsmiðlar skipt máli frá upphafi. Hvort sem það er gott eða slæmt.“

Könnunin leiddi einnig í ljós að tveir af hverjum þremur sem eru í sambandi deila lykilorðum að samskiptamiðlum með maka sínum. Fjórða hvert par segist hafa sameiginlegt netfang.

mbl.is
Hyundai Santa Fe 2014
Dökkgrár með dráttarbeisli. Ekinn 55 þús. Flott eintak, einn eig. 2.199 cc. · 19...
Vantar Bílamálara/Bifreiðasmið í vinnu.
5 stjörnu Gæða vottað Réttingaverkstæði vantar Bílamálara og bifreiðasmið til s...
Antiksalan
Antíkhúsgögn og munir í úrvali. Skoðið heimasíðuna. Erum á Facebook. Opið frá kl...
 
Félagstarf aldraðra
Staður og stund
Árskógum 4 Félagsstarfið er með opið í s...
Félagsstarf aldraða
Staður og stund
Árskógum 4 Félagsstarfið er með opið í s...
Framhald uppboðs
Nauðungarsala
Uppboð Einnig birt á www.naudungarsolu...
Eldri borgarar
Staður og stund
Árskógar 4 Félagsstarfið er með opið í s...