Krókódílar klifra í trjám

Krókódíll. Þessi heldur sig í vatninu en gæti farið að ...
Krókódíll. Þessi heldur sig í vatninu en gæti farið að klifra. AFP

Flestir sem fara inn á þekkt búsvæði krókódíla horfa til jarðar og í vatnið til að varast skepnurnar. Vísindamenn segja að nú þurfi þeir að fara að horfa upp - í tré.

Þó að krókódílar séu ekki beinlínis vaxnir til þess að klifra í trjám, þá geta þeir gert það og jafnvel náð alveg upp í krónur þeirra, að sögn vísindamanna við Háskólann í Tennessee.

Rannsóknin náði til Ástralíu, Afríku og Norður-Ameríku. Hún leiddi í ljós að krókódílar geta klifrað í allt að tveggja metra hæð. Hins vegar fengu vísindamennirnir einnig að heyra sögur um krókódíla sem hafa klifrað 9 metra upp í tré, að því er fram kemur í frétt Reuters um málið.

Helst eru það ungir krókódílar sem leggja í trjáklifur. „Þeir fara sér hægt en á endanum komast þeir upp,“ hefur Reuters eftir einum vísindamannanna.

Vísindamennirnir telja að krókódílar klifri upp í tré til að fá betri yfirsýn yfir búsvæði sitt. Þá er einnig talið að þeir geri það til að láta sólina skína á sig.

mbl.is
Til sölu nýr Yamaha utanborðsmótor, 2,5 Hö
Mótorinn er 4 gengis, nýr og ónotaður, kom til landsin í lok júklí. Kostar 19...
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
Hreinsa þakrennur, ryðbletta þök o.fl
Hreinsa þakrennur ryðbletta þök og tek að mér ýmis smærri verkefni. Uppl. í síma...
Heildarlausn á viðhaldi bílastæða
Frá því 1988 hafa BS verktakar boðið heildarlausnir á viðhaldi bílastæða og umhv...
 
Framkvæmdastjóri dómstólasýslunnar
Önnur störf
Framkvæmdastjóri dómstólasýslunnar Stj...
Vélavörður
Sjávarútvegur
Vélavörður Vísir hf. óskar ef...
Háseti
Sjávarútvegur
Háseti Vísir hf óskar eftir a...
Framhald uppboðs
Nauðungarsala
Uppboð Einnig birt á www.naudungarsolu...