Bráðsmitandi Wi-Fi veira

Að sögn vísindamannanna stafar heimilum og litlum fyrirtækjum aðallega ógn ...
Að sögn vísindamannanna stafar heimilum og litlum fyrirtækjum aðallega ógn af tölvuveirunni. AFP

Vísindamönnum við háskólann í Liverpool í Bretlandi hefur tekist að búa til tölvuvírus sem hægt er að dreifa í gegnum þráðlaust net, Wi-Fi, ekki ósvipað því þegar kvefbakteríur dreifast á milli manna.

Breska ríkisútvarpið fjallar um málið. Þar segir að á þéttbýlum svæðum þar sem mörg þráðlaus net séu í boði geti veiran dreift sér á milli frá einu neti yfir í annað í leit að veikleikum í kerfunum.

Þegar veiran, sem hefur verið kölluð Kameljónið, hefur náð stjórn á þráðlausu neti á sitt vald þá verða þær tölvur sem eru tengdar viðkomandi neti berskjaldaða gagnvart ýmiskonar hættum.

Alan Marshall, sem er prófessor í fjarskiptakerfum við háskólann, segir að unnið sé að gerð hugbúnaðar sem ætlað er að sporna gegn slíkum árásum. Hann segir að menn leggi fremur á það áherslu að samþætta aðgangsstaði með eftirlitskerfi sem tekur eftir slíkum boðflennum en að menn noti öflug lykilorð.

Marshall vildi ekki tjá sig í smáatriðum um þær aðferðir sem væru notaðar til að sporna gegn árásum á raunveruleg fórnarlömb. Hann sagði hins vegar að aðferðin hefði verið sannreynd innan háskólans.

mbl.is

Skoðanakannanir

[ Nánar | Allar kannanir í CSV-skrá ]

Egat Luxe Nuddstóll (svartur eða beige) á 39.000 - Hentar fyrir nuddara, tattú eða það sem þér dettur í hug. www.Egat.is
Egat Luxe Nuddstóll til sölu www.egat.is simi 8626194 egat@egat.is svartur eða ...
Rýmingarsala
Rýmingarsala á vörubíladekkjum 13 R 22.5 kr. 31452 + vsk 1200 R 20 kr. 23387 + v...
 
Félagsstarf
Staður og stund
Aflagrandi 40 Hjá okkur er opin vinnusto...
Aðalskipulag
Tilkynningar
Lýsing breytingar Aðalski...
L helgafell 6017101819 iv/v
Félagsstarf
? HELGAFELL 6017101819 IV/V Mynd af ...
Niðurstaða sveitarstjórnar
Tilkynningar
Samþykkt breyting á deiliskipulagi S...