Sá sem á upplýsingarnar hefur völdin

Julian Assange, stofnandi WikiLeaks
Julian Assange, stofnandi WikiLeaks Mynd/AFP

Julian Assange, stofnandi WikiLeaks, kom fram á kvikmynda og ljósvakahátíðinni SXSW í Texas í Bandaríkjunum. Fyrirlestur Assanges var haldinn í gegnum Skype en Assange er staddur í sendiráði Ekvadors í Lundúnum eftir að Ekvadorar veittu honum pólitískt hæli árið 2012. 

Í fyrirlestri sínum sagði hann að þróunin í eftirlitsiðnaði væri svo hröð að brátt yrði hægt að fylgjast með ferðum allra jarðarbúa í rauntíma. „Búnaðurinn til þess að fylgjast með ferðum allra jarðarbúa er næstum því orðinn nægilega góður nú þegar en hann verður örugglega fullkomnaður á innan við tveimur árum,“ sagði hann við fundargesti. 

Assange fjallaði einnig um dvöl sína í sendiráðinu og líkti henni við fangelsisvist. Upphaflega átti hann að taka við spurningum úr sal en svo kaldhæðnislega vildi til að tæknin stríddi fundarhaldara og því var ekki hægt að koma spurningum áleiðis til hans. 

Hann nýtti fyrirlesturinn einnig til þess að gagnrýna fyrirtækin Facebook og Google fyrir stefnu sína í persónuverndarmálum. „Það á sér stað gríðarleg eignatilfærsla frá almennum borgurum til þeirra sem þegar eiga mikil auðæfi og völd. Það er gert með því að stela persónuupplýsingum fólks. Sá sem á upplýsingarnar hefur völdin.“

mbl.is

Bloggað um fréttina

Biskupstungur. laust hús.
Eigum laus sumarhús næstu helgar. Rétt við Geysi og Gullfoss Rúm fyrir 6. Hund...
Bækurnar að vestan í afmælisgjafir!
Hornstrandabækurnar allar 5 í pakka 7,500 Hjólabækurnar allar 5 í pakka 7,500 ...
Hyundai Getz 2008
Til sölu Hyundai Getz, 2008 árgerð. Ekinn 136.000 km. 5 dyra, beinskiptur. Skoða...
Giftingar- og trúlofunarhringar frá ERNU
Handsmíðuð hringapör úr silfri með alexandrite-steini sem gefur mikið litaflóð. ...
 
Framhald uppboðs
Nauðungarsala
Uppboð Einnig birt á www.naudungarsolu...
Eldri borgarar
Staður og stund
Árskógar 4 Opin smíðastofa kl. 9-16. Opi...
Samkoma
Félagsstarf
Samkoma kl. 20 í Kristniboðs- salnum. R...
Félagsstarf
Staður og stund
Árskógar Hádegismatur, mexíkanskur hakkr...