Condoleezza Rice í stjórn Dropbox

Fyrrum utanríkisráðherra Condoleezza Rice hefur verið skipuð í stjórn fyrirtækisins Dropbox. Skipunin hefur vakið mikla athygli, sérstaklega eftir uppljóstranir Edwards Snowdens og WikiLeaks um njósnir Bandaríkjastjórnar á þeim tíma er Rice gegndi ráðherraembætti. 

Tilkynnt var um skipunina á sama tíma og fyrirtækið kynnti forritið Mailbox fyrir Android-stýrikerfið. Hafa nokkrir notendur Dropbox, sem óánægðastir eru með skipunina hafið herferð gegn henni. Telja þeir það óheppilegt að ráðherra í ríkisstjórn sem stundaði njósnir skuli vera skipuð í stjórn fyrirtækis sem sérhæfir sig í skráardeilingu. 

Rice er menntuð stjórnmálafræðingur og gegndi stöðu utanríkisráðherra Bandaríkjanna á árunum 2005-2009 og var þjóðaröryggisráðgjafi frá 2001-2005. Hún var önnur konan til þess að gegna embætti utanríkisráðherra, og jafnframt fyrsta blökkukonan. Þá var hún einnig fyrsta konan til þess að gegna stöðu þjóðaröryggisráðgjafa. 

Sjá frétt BBC

• Blogga um frétt