Kári verðlaunaður fyrir alzheimerrannsóknir

Kári Stefánnsson heldur fyrirlestur hjá bandarísku Alzheimers samtökunum.
Kári Stefánnsson heldur fyrirlestur hjá bandarísku Alzheimers samtökunum.

Bandarísku Alzheimersamtökin heiðruðu í dag Kára Stefánsson, forstjóra Íslenskrar erfðagreiningar, á alþjóðaþingi sínu í Kaupmannahöfn. Kári veitti þar viðtöku Inge Grundke-Iqbal-verðlaunum samtakanna fyrir alzheimerrannsóknir. Hann er fyrstur manna til að hljóta þessa viðurkenningu sem samtökin hyggjast veita í framtíðinni fyrir mikilvægustu rannsóknir um orsakir sjúkdómsins sem birtar eru síðustu tvö árin fyrir þing sambandsins.

Greinin sem verðlaunaveitingin byggist á birtist í vísindatímaritinu Nature í júlímánuði 2012. Þar var lýst rannsókn sem vísindamenn Íslenskrar erfðagreiningar unnu í samstarfi við lækna á Landspítalanum, þá Jón Snædal, Pálma V. Jónsson og Sigurbjörn Björnsson, og nokkra erlenda samstarfsmenn.  

Í greininni var skýrt frá niðurstöðum athugana á erfðaefni nærri tvö þúsund Íslendinga þar sem fannst stökkbreyting, sem verndar gegn alzheimersjúkdómnum og öðrum elliglöpum. Breytingin var í geni sem tengist þekktum efnaferlum í heilavef alzheimersjúklinga og fundur hennar renndi stoðum undir tilraunir lyfjafyrirtækja og vísindastofnana til að finna leiðir til að hafa áhrif á þau efnaskipti.  

Uppgötvunin vakti þegar mikla athygli og var álitin stórt skref í leitinni að lyfjum til að berjast gegn sjúkdómnum sem hrjáir milljónir manna og er sífellt þyngri byrði á einstaklingum, fjölskyldum og heilbrigðisþjónustu um víða veröld. Viðurkenning bandarísku Alzheimersamtakanna í dag staðfestir mikilvægi þessa framlags íslensku vísindamannanna.

Á þinginu í Kaupmannahöfn flutti Kári fyrirlestur sem hann nefndi „Fjórar sögur um erfðafræði alzheimersjúkdómsins“. Þar gerði hann grein fyrir rannsóknum Íslenskrar erfðagreiningar sem varpa ljósi á eðli og erfðir sjúkdómsins og opna nýjar leiðir til að kanna starfsemi mannsheilans.  

Inge Grundke-Iqbal, sem verðlaunin eru kennd við, var heimsþekktur taugasérfræðingur og brautryðjandi í rannsóknum á alzheimersjúkdómnum. Hún fæddist í Þýskalandi, en fluttist ung til Bandaríkjanna þar sem hún var afkastamikill vísindamaður, gegndi ýmsum opinberum störfum og hlaut margskonar viðurkenningu. Hún lést árið 2012.

Bandarísku Alzheimersamtökin eru stærstu styrktarsamtök í heimi sem helga sig umönnun og stuðningi við alzheimersjúklinga og rannsóknum á sjúkdómnum.

mbl.is

Skoðanakannanir

[ Nánar | Allar kannanir í CSV-skrá ]

Dekkjavélar
Nýjar og notaðar dekkjavélar til sölu M & B dekkjavélar Ítalskar topp gæða dekkj...
Yamaha Fz1-S árg 2008. 1000cc. 150 hö
Skemmtilegt hjól með þægilega ásetu. Afar vel með farið. Er á óslitnum Michelin ...
HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...
 
Eldri borgarar
Staður og stund
Aflagrandi 40 Hjá okkur er opin vinnusto...
Eldri borgarar
Staður og stund
Aflagrandi 40 Það er opin vinnustofa hjá...
Eldri borgarar
Staður og stund
Aflagrandi 40 Dagurinn byrjar á opinni v...
Sölumaður / kona
Iðnaðarmenn
Sölumaður / kona óskast til að annas...