Míla hefur sett upp vefmyndavél á Vaðöldu til að fylgjast með þróun mála við Bárðarbungu.
Hægt er að nálgast vefmyndavélina hér.
Eins og Veðurstofa Íslands hefur greint frá, er skjálftavirkni í kringum Bárðarbungu enn mikil. Heldur dró úr henni í kringum miðnættið, en það bætti aftur í upp úr klukkan fjögur og svo dró aftur lítillega úr. Virknin gengur sem sagt áfram í bylgjum.
Stærstu skjálftarnir urðu undir morgun en þeir voru allir undir þrír að stærð. Virknin er að mestu bundin við austurhluta Bárðarbungu og hefur færst lítillega til norðausturs.