Femínistum í tölvuleikjageira hótað lífláti

Femínískur gagnrýnandi tölvuleikja hefur hætt við að flytja erindi á ráðstefnu vegna morðhótana. Anita Sarkeesian er kanadísk-bandarísk og er ein margra kvenna í tölvuleikjageiranum vestanhafs sem hafa þurft að þola ítrekaðar hótanir vegna skoðana sinna.

 Sarkeesian hafði verið boðið að flytja erindi á ráðstefnu hjá Center for Women and Gender í háskóla í Utah. En í gær fékk yfirmaður stofnunarinnar sem og fleiri sem koma að ráðstefnunni hótanir um „fjöldamorðs árás“ vegna erindis Sarkeesian.

Sarkeesian sagði í færslu á Twitter að hún væri ekki að hætta við fyrirlesturinn vegna tölvupóstanna, heldur vegna þess að hún teldi að ekki væri hægt að tryggja öryggi í skólanum. Sagði hún að ekki væri hægt að gera vopnaleit á þeim sem kæmu á fyrirlesturinn svo dæmi væri tekið. „Vegna laga í Utah sem heimila fólki að bera skotvopn getur lögreglan ekki framkvæmd vopnaleit, þrátt fyrir að hótun hafi borist um fjöldamorð,“ skrifaði hún m.a. 

To be clear: I didn't cancel my USU talk because of terrorist threats, I canceled because I didn’t feel the security measures were adequate.

— Feminist Frequency (@femfreq) October 15, 2014

Hér má sjá dæmi um gagnrýni Sarkeesian.

Frétt BBC um málið

• Blogga um frétt