Leikjatölvunetið að braggast

Netkerfi fyrir leikjatölvurnar Playstation og Xbox eru nú sögð vera að ná sér eftir árásir tölvuþrjóta sem staðið hafa yfir jólin. Sony, sem á Playstation, segir sitt kerfi vera að koma inn hægt og bítandi en Microsoft, sem á Xbox, segir mestan hluta þjónustu sinnar í lagi.

Hópur tölvuþrjóta sem kallar sig The Lizard Squad réðust á Playstation Network (PSN) og Xbox Live, þjónusturnar sem notendur leikjatölvanna nota til að spila í gegnum netið, á aðfangadag. Síðan þá hafa bæði kerfin legið meira eða minna niðri.

Sony staðfesti í morgun á Twitter-síðu sinni að PSN væri hægt að bítandi að koma aftur inn. Á þjónustusíðu Xbox Live sagði að stærstur hluti þjónustunnar væri í lagi en aðgangur að vissum forritum innan kerfisins væri takmarkaður.

Frétt USA Today af árásunum á kerfi Playstation og Xbox

Fyrri fréttir mbl.is:

Spilla jólunum fyrir leikjaunnendum

Ráðist á Playstation og Xbox

• Blogga um frétt