Facebook og Instagram lágu niðri í morgun, líklega í um fjörutíu mínútur. Notendur kvörtuðu sáran - á Twitter.
Talsmaður Facebook segir í samtali við amerísku ABC-fréttastöðina að ekki hafi verið um tölvuárás að ræða. Facebook hafi verið að taka upp ákveðnar breytingar sem hafi haft áhrif á virkni hennar í stuttan tíma.
Á meðan logaði Twitter og notuðu flestir kassamerkið #facebookdown. Á meðan flestir kvörtuðu undan því að Facebook væri niðri létu aðrir sig dreyma um heim án samfélagsmiðilsins.
„Facebook liggur niðri. Raunveruleikinn er á uppleið,“ skrifaði einn Twitter-notandi.
Facebook is Down Real life is Up #facebookdown
— Broken Cricket (@BrokenCricket) January 27, 2015