Bandaríski tæknirisinn Apple er um þessar mundir að þróa nýjan rafbíl. Um nokkurt skeið hefur verið orðrómur á kreiki um að stórfyrirtækið hafi í hyggju að hanna slíkan bíl, en Wall Street Journal greindi frá því í gær að hundruð starfsmanna Apple ynni nú að verkefninu.
Verkefnið kallast Titan en vinnan þessa stundina felst fyrst og fremst í því að þróa tæknibúnaðinn fyrir rafbíla. Tim Cook, forstjóri Apple, skipaði hóp sérfræðinga, aðallega verkfræðinga, í fyrra til þess að leiða verkefnið. Verið er að kenna ýmsar leiðir til að þróa bíllinn og er enn óljóst hvort bifreið frá Apple muni nokkurn tímann verða sett á markað, að sögn WSJ.
Stjórnandi verkefnisins er Steve Zadesky, fyrrverandi yfirverkfræðingur bílaframleiðandans Ford.