„Jarðfræðileg gosvél“

Koltvísýringur er ein þeirra gastegunda sem kemur upp úr borholum ...
Koltvísýringur er ein þeirra gastegunda sem kemur upp úr borholum Hellisheiðarvirkjunar. CarbFix-verkefnið gengur út á að binda hann í jörðu. mbl.is/Golli

Bandaríska stórblaðið The New York Times fjallar um niðurdælingu koltvísýrings á vegum CarbFix-verkefnisins sem íslenskir og erlendir vísindamenn standa að við Hellisheiðarvirkjun. Aðferðin sem menn nota þar er líkt við risavaxna jarðfræðilega gosvél á síðum blaðsins.

Tilraunir sem gerðar hafa verið í Svínahrauni sunnan Hellisheiðarvirkjunar eru hluti af verkefni sem nefnist CarbFix á ensku og fjölmargar erlendar vísindastofnanir og háskólar eiga aðild að. Hafa bandaríska orkumálaráðuneytið og ESB stutt tilraunina meðal annarra. Hleypur kostnaður við það á hundruð milljónum króna. Fyrstu niðurstöður benda til þess að með því að dæla koltvísýringi og vatni niður í berglög þá bindist 80% koltvísýringsins við efni í berginu og myndi steintegundir. Hefur þetta verið nefnt sem ein af aðferðunum til að takmarka losun gróðurhúsalofttegunda sem valda loftslagsbreytingum.

Bent er á tæknin sé kostnaðarsamari en aðrar sem notaðar hafa verið þar sem koltvísýringsgasi er dælt beint niður í jarðlög. Dæla þurfi 25 tonnum af vatni niður með hverju einu tonni af koltvísýringi. Blaðið hefur hins vegar eftir Sigurði Gíslasyni, jarðefnafræðingi við Háskóla Íslands og yfirvísindamanni CarbFix, að þeirra aðferð geti hins vegar borgað sig til lengri tíma.

Þegar gasi sé dælt beint ofan í jörðina sé hætta á að það rísi upp í gegnum sprungur og glufur í berginu. Því þurfi að fylgjast með niðurdælingarstöðunum í fjölda ára, jafnvel aldir. Erfitt sé að áætla kostnaðinn við slíkt. Kolsýrða vatnið sem dælt er niður á vegum CarbFix bindist hins vegar í steintegundir og efnasambandið sé því stöðugt.

„Það talar enginn um eftirlitið. Við skorum mjög hátt á því sviði,“ segir Sigurður.

Grein The New York Times um CarbFix-verkefnið

Fyrri frétt mbl.is: Sigurður Reynir í Science

mbl.is
Gastro truck/veitingabíll
Til sölu ný standsettur veitingabíl með gas-grillpönnu, gas-grillofn, rafmagns p...
PÚSTKERFI Á HAGSTÆÐU VERÐI
Eigum fyrirlyggjandi PÚSTKERFI í flestar tegundir bifreiða. Einnig STÝRISLIÐI ...
Málningar- og viðhaldsvinna
Getum bætt við okkur inni- og útiverkefnum. Vönduð vinnubrögð og góð umgengni. T...
Nissan Leaf útsala!
Nissan Leaf útsala! 2015 bílar, eknir milli 20 og 35 þús. Nokkrir litir. Allir m...
 
Félagsfundur varðar
Fundir - mannfagnaðir
Vörður - fulltrúaráð sjálfstæðisf...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Utankjörfundaratkvæða- greiðsla uta
Tilkynningar
Utankjörfundaratkvæðagreiðs...
Fundarboð
Fundir - mannfagnaðir
Kjördæmisráð Sjálfstæðisflokksins ...