Úr sem tekur á móti símtölum

Tæknirisinn Apple kynnti nýjustu vöru sína, Apple Watch, í San Fransisco í dag. Með úrinu verður hægt að greiða fyrir vörur með kreditkorti, sjá veðurspá, skoða fréttir, Facebook og svara símtölum. 

Tim Cook, forstjóri Apple sagði í dag að Apple Watch væri persónulegasta tæki sem hann hefði búið til. „Það er ekki bara með þér, það er á þér,“ sagði Cook. Á kynningunni í dag sýndi Cook hvernig úrið sýndi dagatöl, veður en einnig það sem flest úr eru hönnuð til að sýna, tímann. 

Samkvæmt frétt USA Today getur úrið jafnframt mælt hjartslátt, spilað tónlist og opnað tölvupósta. 

„Ég hef viljað gera þetta síðan ég var fimm ára gamall,“ sagði Cook er hann svaraði símtali með úrinu. Með forritinu Digital Touch geta notendur Apple Watch teiknaði mynd á úrið sem birtist á úri annarra. Einnig er hægt að senda hjartslátt sinn til annarra notenda. Kallaði Cook úrið „alhliða heilsu og hreyfingar félaga,“ en úrið fylgist með hreyfingu notenda, hversu lengi þeir hreyfa sig og senda áminningu sitji notandinn of lengi kyrr. 

Jafnframt verður hægt að nota sérstakt app á úrinu þar sem viðkomandi velur sér hreyfingu og úrið reiknar út vegalengd og fjölda hitaeininga sem brenndar eru. 

Mun úrið kosta 349 Bandaríkjadali eða rúmar 47 þúsund íslenskar krónur. Það kemur í þremur mismunandi útgáfum en sala á iWatch hefst í Bandaríkjunum 24. apríl. 

Forstjóri Apple, Tim Cook.
Forstjóri Apple, Tim Cook. AFP
Forstjóri Apple sýnir úrið í allri sinni dýrð.
Forstjóri Apple sýnir úrið í allri sinni dýrð. AFP
Úrið þykir glæsilegt.
Úrið þykir glæsilegt. AFP
mbl.is
GLERFILMUR
Glerfilmur, gluggafilmur, sand& sólarfilma. Merkismenn, sími 544- 2030 www.merk...
Húsgagnaviðgerðir
Ég tek að mér viðgerðir á húsgögnum bæði gömlum og nýjum. Starfsemin fer fram í ...
Laust um næstu helgar - Biskupstungur..
Hlýleg og falleg sumarhús til leigu. Gisting fyrir 5-6. Heit laug og leiksvæði.....
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
 
Vélavörður
Sjávarútvegur
Vélavörður Vísir hf. óskar ef...
Háseti
Sjávarútvegur
Háseti Vísir hf óskar eftir a...
Félagsstarf
Staður og stund
Árskógar Hádegismatur, mexíkanskur hakkr...
Framhald uppboðs
Nauðungarsala
Uppboð Einnig birt á www.naudungarsolu...