Vísindamenn finna múshérann aftur

Hversu krúttlegt fés.
Hversu krúttlegt fés. Skjáskot af Youtube

National Geographic kallar leitina að krúttsprengjunni á meðfylgandi mynd heimsins lengsta feluleik. Dýrið, sem ber heitið Ili pika eða múshéri upp á íslensku er afar smágert spendýr hvers andlit minnir á leikfangabangsa. Dýrið hefst við í hinum kínverska Tianshan-fjallgarði í Norðvestur-Kína og hefur tekist að fela sig fyrir vísindamönnum í meira en 20 ár.

Dýrið hefur sést örfáum sinnum síðan það var uppgötvað fyrir slysni árið 1983. Raunar hafa aðeins 29 einstaklingar af tegundini sést á lífi og er því afar lítið vitað um hegðun dýrsins og vistfræði. Svo var það, sumarið 2014, að vísindamenn uppgötvuðu múshérann á ný.

Vísindamaðurinn Weidong Li sem var fyrstur til að uppgötva dýrið safnaði saman hópi sjálfboðaliða í Tianshan-fjöllum til að leita að múshérum. Það var svo á hádegi einn daginn, þar sem teymið var að setja upp myndavélagildrur að forvitinn múshéri kíkti á hópinn og Li tók nokkrar myndir.

Múshérar eru um 20 cm á hæð með stór eyru og marga litla brúna bletti á gráum feldinum. Þeir halda sig í fjalllendi á svæðum í milli 2.800 og  4.100 metra hæð rétt eins og aðrar tegundir múshéra sem fundist hafa í Norður-Ameríku. Dýrin lifa einna helst á grösum og kryddjurtum auk annarra plantna sem finnast á fjöllum. Árið 1990 var talið að um 2.000 einstaklingar af tegundinni væru til en að þeim fækkaði hratt. Litið er svo á að tegund sé í útrýmingarhættu vegna ágangs búfénaðar á heimkynni þeirra sem og vegna loftmengunar.

mbl.is
Jöklar - Hús fyrir íslenska ferðaþjónustu og íslenskar aðstæður
Landshús býður upp á sterkan, hagkvæman og vel hannaðan húsakost fyrir þá sem vi...
Kaupum brotagull og -silfur
Kaupum eðalmálma til endurvinnslu hér heima. Kíkið á heimasíðu okkar þar sem FAS...
Þreyttur á reykinga- myglulykt, lausn ?
Eyðir flest allri ólykt, m.a. Myglu-gró ásamt og raka- reykinga- og brunalykt. ...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
 
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Aflagrandi 40 Opin vinnustofa kl. 9 og j...
Eldri borgarar
Staður og stund
Aflagrandi 40 Opin vinnustofa kl. 9, gön...
Framhald
Nauðungarsala
Uppboð Einnig birt á www.naudungarsolu...