Kóralar fölna sem sjaldan fyrr

Fölnaðir kóralar í Kóralrifinu mikla undan ströndum Ástralíu.
Fölnaðir kóralar í Kóralrifinu mikla undan ströndum Ástralíu. AFP

Viðvarandi hitabylgja í höfum jarðar, bæði af völdum náttúrulega veðurfyrirbæra og hnattrænnar hlýnunar af völdum manna, veldur nú fölnun kóralrifja á heimsvísu sem getur þýtt dauða stórs hluta þeirra. Fölnunarskeiðið sem vísindamenn segja nú standa yfir er aðeins það þriðja í sögu mælinga.

Vísindamenn bandarísku Haf- og loftslagsstofnunarinnar (NOAA) höfðu áður varað við því að þúsundir ferkílómetra kórala gætu horfið varanlega vegna hlýnunar sjávar á næstu tveimur árum. Kóralar eru afar viðkvæmir fyrir hitastigsbreytingum en þeir fölna ef þeir lenda í hlýrri sjó en þeir eiga að venjast í lengri tíma en nokkra daga.

Fölnunarskeiðið sem nú stendur yfir hófst í norðanverðu Kyrrahafi sumarið 2014 en breiddist síðan út suður með Kyrrahafi og í Indlandshaf á þessu ári. NOAA áætlar að allt að 95% kóralrifja við Bandaríkin hafi orðið fyrir aðstæðum sem valda fölnun fyrir árslok. Spálíkön gera ráð fyrir að þessar hlýju aðstæður í sjónum vari langt fram á næsta ár og þær geti komið illa niður á kórölum í Karíbahafi og við Havaí næst.

Þetta er í þriðja skipti sem vísindamenn hafa orðið varir við umfangsmikla fölnun kórala á heimsvísu. Fyrst gerðist það árið 1998 í kjölfar óvenju sterks El niño-viðburðar það ár og svo aftur árið 2010. Í frétt breska ríkisútvarpsins BBC kemur fram að því sé spáð að fölnunarviðburðurinn nú verði sá versti sem sögur fara af.

Talið er að hitapollur í Kyrrahafi og að óvenjusterkur El niño valdi fölnuninni nú en áhrif þessara náttúrulega fyrirbæra séu ýkt af völdum manngerðra loftslagsbreytinga. Auk hlýnunarinnar hefur súrnun sjávar af völdum koltvísýringsútblásturs manna og mengun af ýmsu tagi skaðleg áhrif á kóralana.

Þeir geta jafnað sig ef hlýnunin er skammvinn þó að endurreisnin geti tekið langan tíma. Ef hlýnunin stendur hins vegar yfir í lengri tíma er líklegt að kóralarnir fölni og deyi. Þó að kórarif þeki aðeins örlítinn hluta hafsbotns jarðar eru þau gríðarlega mikilvægt búsvæði fjölda dýrategunda og líffræðilegs fjölbreytileika sem menn reiða sig jafnframt á.

Frétt á vef NOAA um fölnun kórala á heimsvísu

Frétt BBC af fölnuninni

Fimmtán þúsund ferkílómetrar kórala gætu horfið

Talið er að kóralrif haldi uppi allt að fjórðungi allra ...
Talið er að kóralrif haldi uppi allt að fjórðungi allra sjávardýrategunda á jörðinni. AFP
mbl.is

Bloggað um fréttina

Herbergi til leigu
Erum með rúmgott rými/herbergi til leigu í einbýlishúsi í Kópavogi. Sérinngangu...
EKTA PARKETLISTAR - GÓLFLISTAR - GEREKTI
Gegnheilir harðviðarlistar, spónl. gerefti. Facebook>Magnus Elias/Mex bygg S. 84...
Atvinnuhúsnæði til leigu í 108 Reykjavík
Gott skrifstofuhúsnæði á jarðhæð um 190 m2. Í sama húsi er til leigu 200 m2 lage...
 
L edda 6017091919 i fjhst
Félagsstarf
? EDDA 6017091919 I Fjhst Mynd af au...
Fundarboð
Fundir - mannfagnaðir
Kjördæmisráð Sjálfstæðisflokksins ...
Framhaldssölur
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...