Gatið á ósonlaginu stærra í ár

Myndin sýnir styrk ósonlagsins yfir Suðurskautslandinu 2. október 2015.
Myndin sýnir styrk ósonlagsins yfir Suðurskautslandinu 2. október 2015. NASA/Goddard Space Flight Center

Óvenjukaldar aðstæður og lítil hreyfing á heiðhvolfi jarðarinnar hafa haft þau áhrif að gatið í ósonlaginu yfir Suðurskautslandinu var stærra og myndaðist seinna en undanfarin ár, að sögn vísindamanna bandarísku geimvísindastofnunarinnar NASA og haf- og loftslagsstofnunarinnar NOAA.

Gatið náði hámarki 2. október og náði þá yfir 28,2 milljón ferkílómetra svæði sem er stærra en öll Norður-Ameríka, að því er kemur fram í frétt á vef NASA. Mörg dagbundin stærðarmet voru slegin í mánuðinum en gatið var áfram stórt. Borið saman við tímabilið 1991 til 2014 var gatið það fjórða stærsta að meðaltali í ár.

Menn urðu fyrst varir við að gat myndaðist á ósonlag jarðar á 9. áratug síðustu aldar. Gatið yfir Suðurskautslandinu myndast og stækkar á vorin, frá ágúst til september, vegna mikils magns klórs og bróms í heiðhvolfinu en efnin kom fyrst og fremst frá efnanotkun manna á árum áður.

Losun á efnum sem skaða ósonlagið var takmörkuð mjög með Montreal-sáttmálanum árið 1987 eftir að þjóðir heims gerðu sér grein fyrir hættunni. Styrkur efnanna í lofthjúpnum er smátt og smátt að dvína og er gert ráð fyrir að ósonlagið verði aftur komið í það horf sem það var í árið 1980 í kringum árið 2070.

Ósonlagið skýlir jörðinni fyrir skaðlegum útfjólubláum geislum sólarinnar sem geta valdið húðkrabbameini, gláku, bælt ónæmiskerfi fólks og skaðað plöntur. Stofnanirnar segja að gatið í ár þýði að líklega verði meira af slíkri geislun við yfirborð jarðar næstu mánuði, sérstaklega á Suðurskautslandinu og suðuhveli jarðar.

Frétt á vef NASA um stærð gatsins á ósonlaginu

mbl.is

Bloggað um fréttina

Skoðanakannanir

[ Nánar | Allar kannanir í CSV-skrá ]

HARMONIKKUHURÐIR SPARA MIKIÐ PLÁSS
Margar gerðir, smíðaðar eftir máli. Verð frá kr. 13.900,- Sími 848 3215 www.byg...
Bátakerru stolið
Þessari kerru var stolið um Hvítasunnuhelgina í bryggjuhverfinu í Reykjavík. Þei...
 
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Aðalskipulag
Tilkynningar
Lýsing breytingar Aðalski...
Eldri borgarar
Staður og stund
Aflagrandi 40 Það er opin vinnustofa hjá...
Eldri borgarar
Staður og stund
Aflagrandi 40 Opin vinnustofa kl. 9 og s...