Finna hluti með nýjum búnaði

Franska frumkvöðlafyrirtækið Wistiki kynnti í gærkvöldi búnað sem er ætlaður til að finna hluti sem þú hefur týnt. Útlitshönnuður tækisins er Philippe Starck. 

Búnaðurinn sem Wistiki, sem var stofnað í fyrra, hefur hannað nýtir sér Bluetooth-tæknina með smáforriti sem virkar bæði á Apple og Android snjallsíma. 

Bruno Lussato, einn þriggja bræðra sem eiga Wistiki, kynnti nýja búnaðinn fyrir blaðamönnum í San Francisco í gær. Meðal annars er lítið kort sem er hægt að festa í peningaveski eða í ól gæludýrs og ef viðkomandi hlutur er í innan við 100 metra radíus frá snjalltækinu þá skynjar það hlutinn. 

Starck, sem er einn þekktasti hönnuður samtímans, ætlaði að vera viðstaddur kynninguna í gær en því miður komst hann ekki þar sem hann var fastur í Suður-Ameríku. 

Hann hefði sennilega verið betur settur ef hann hefði verið með búnaðinn í farteskinu því hann týndi vegabréfinu sínu og situr því fastur í Ekvador, að sögn Lussato.

Stefnt er að því að nýja tækið verði komið á markað í mars á næsta ári.

mbl.is
Tölva til sölu
Til sölu Dell Optiplex GX620 borðtölva ásamt skjá, lyklaborði og mús. Er með Win...
Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...
 
Skipulagsauglýsing
Tilkynningar
Borgarbyggð Skipulagsauglýsingar Sv...
Félagstarf aldraðra
Staður og stund
Árskógum 4 Félagsstarfið er með opið í s...
Deiliskipulag
Tilkynningar
Rangárþing ytra Auglýsing um skipula...
Eldri borgarar
Staður og stund
Árskógar 4 Félagsstarfið er með opið í s...