Áhrif koltvísýrings mögulega vanmetin

Líkan NASA af dreifingu koltvísýrings í lofthjúpi jarðarinnar. Myndin er ...
Líkan NASA af dreifingu koltvísýrings í lofthjúpi jarðarinnar. Myndin er úr safni. NASA/skjáskot

Loftslag jarðar gæti verið næmara fyrir styrk koltvísýrings í lofthjúpnum en áður var talið. Ný rannsókn bandarískra vísindamanna bendir til þess að styrkurinn hafi verið hátt í helmingi minni en gert var ráð fyrir á hlýskeiði fyrir fimmtíu milljón árum.

Styrkur koltvísýrings í lofthjúpnum er nú tæplega 400 hlutar af milljón (ppm) og hefur hann ekki verið meiri á jörðinni í nokkrar milljónir ára. Rannsóknir vísindamanna við Binghamton-háskóla í Bandaríkjunum á jarðsýnum úr fimmtíu milljón ára gömlum berglögum sem mynduðust á hlýskeiði benda til þess að styrkur koltvísýrings hafi verið um 680 ppm á þeim tíma.

Það er nærri því helmingi minna en fyrri rannsóknir höfðu gert ráð fyrir en þær áætluðu að styrkurinn hafi verið um 1.125 ppm. Þessar niðurstöður benda til þess að loftslag jarðar sé næmara fyrir koltvísýringi en áður var talið.

Líkön gera ráð fyrir að hækkandi styrkur koltvísýrings vegna bruna manna á jarðefnaeldsneyti muni leiða til þess að meðalhiti jarðar hækki um um það bil 3°C. Niðurstöður rannsóknarinnar gætu þýtt að áhrif koltvísýrings á hnattræna hlýnun hafi verið vanmetin.

Einu beinu mælingarnar á koltvísýringi í lofthjúpi jarðar í fortíðinni eru frá ískjörnum en aðeins er hægt að rekja söguna innan við milljón ár aftur í tímann með þeim. Vísindamennirnir við Binghamton eru því að reyna að þróa leiðir til að meta styrk koltvísýrings í lofthjúpi fortíðarinnar með óbeinum hætti.

Frétt Phys.org um rannsóknina

mbl.is

Bloggað um fréttina

Egat Diva Snyrti-/nuddbekkur rafmagns fyrir Snyrti,Fótaðgerða,Nuddara
Egat Diva Rafmagns snyrti-/nuddbekkur, svartir og beige á litinn.100% visa raðgr...
Viðhald fasteigna
Við þjónustum þig með lítil sem stór verk. Tímavinna eða tilboð. sími: 544-44...
Flott kommóða rótar-spónn - sími 869-2798
Er með flotta kommóðu, spónlagða og innlagða á 25.000. Hæð 85x48x110 cm, 5 skúff...
Nokkrar notaðar saumavélar til sölu !!
Nokkrar tegundir, ýmsar gerðir. Allar ástandsskoðaðar og prófaðar af fagmanni. V...
 
Matsveinn
Sjávarútvegur
Matsveinn Vísir hf óskar eftir...
Framhald
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...