Ekki hægt að nefna stjörnumerki eftir Bowie

Kápa plötunnar Aladdin Sane. Sagt var að stjörnumerki í líki ...
Kápa plötunnar Aladdin Sane. Sagt var að stjörnumerki í líki eldingarinnar á andliti Bowie yrði kennt við hann. AFP

Í kjölfar andláts tónlistarmannsins Davids Bowie í síðustu viku hefur fólk um allan heim keppst við að votta honum virðingu sína. Fréttir fóru meðal annars á kreik um að stjörnumerki hafi verið nefnt eftir Bowie. Þó að það sé ekki á rökum reist er eitt himintunglanna þegar nefnt eftir tónlistarmanninum.

Það voru belgískir stjörnufræðingar sem áttu að hafa skráð stjörnumerki sem er í laginu eins og eldingin sem Bowie skartaði á andlitinu á kápu plötunnar „Aladdin Sane“. Stjörnumerkið var sagt í „nágrenni við Mars“ á himninum.

Blaðamaður National Geographic bendir hins vegar á að mikils misskilnings gæti í fréttum af þessum heiðursvotti. Þannig er enginn formlegur farvegur til að skipta um nafn á stjörnumerkjum eða gefa nýjum nafn. Öllum stjörnuhimninum hefur þegar verið skipt upp í 88 stjörnumerki sem Alþjóðasamtök stjörnufræðinga viðurkenna.

Stjörnurnar sjö sem mynda það sem á að vera „stjörnumerki“ Bowie er í raun það sem er kallað stjörnusamstæða. Það eru hópar stjarna sem mynda mynstur sem menn þekkja innan stærri hópa stjarna. Þekkt dæmi um stjörnusamstæður eru til dæmis Karlsvagninn í stjörnumerkinu Stóra-birni.

Þá er það misvísandi að segja stjörnusamstæðuna í „grennd við Mars“. Þó að stjörnurnar virðist fastar á himninum vegna þess hversu fjarlægar þær eru þá hreyfast reikistjörnur eins og Mars sjáanlega.

Eitt fyrirbæri á næturhimninum er hins vegar þegar kennt við breska tónlistarmanninn. Smástirni eitt sem gengur á milli brauta Mars og Júpíters heitir formlega 342843 DavidBowie. Það var uppgötvað árið 2008 og hlaut nafnið 5. janúar árið 2015, rétt fyrir 68 ára afmæli Bowie.

Grein National Geographic um fréttir af „stjörnumerki“ Bowie

mbl.is

Skoðanakannanir

[ Nánar | Allar kannanir í CSV-skrá ]

STIGAR OG HANDRIÐ ALLAR MÖGULEGAR GERÐIR
Sjá: http://www.youtube.com/watch?v=73dIQgOl2JQ&feature=channel Facebook > Mag...
07 Caddy life 1,9 dísel til sölu
5 manna dísel með dráttarkrók og þakbogum ekin 191500 km, bíll í góðu standi u...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
50 Tonna legupressur
50 Tonna legupressur loft / glussadrifnar, snilldargræja á fínu tilboðsverði nú...
 
Aðalskipulag
Tilkynningar
Lýsing breytingar Aðalski...
Framhald uppboðs
Nauðungarsala
Uppboð Einnig birt á www.naudungarsolu...
Rýmingarsala
Til sölu
Rýmingarsala á bókum um helgina 5...
Niðurstaða sveitarstjórnar
Tilkynningar
Samþykkt breyting á deiliskipulagi S...