Ljúka ársferð um geiminn

Scott Kelly (t.v.) og Mikhail Kornienko (t.h.) prófa geimbúninga sína ...
Scott Kelly (t.v.) og Mikhail Kornienko (t.h.) prófa geimbúninga sína ásamt Sergei Volkov (f.m.).

Rússinn Mikhail Kornienko og Bandaríkjamaðurinn Scott Kelly snúa heim til jarðar frá Alþjóðlegu geimstöðinni í nótt eftir ársdvöl þar. Þó að leiðangurinn sé á enda verða þeir rannsakaðir í þaula áfram til að kanna áhrif sem langdvölin í geimnum hefur haft á þá líkamlega og andlega.

Soyuz-geimfar mun flytja tvímenningana og Rússann Sergei Volkov til jarðar en þeir lenda á sléttum Kasakstan um klukkan hálf fimm í nótt að íslenskum tíma. Volkov var í hefðbundnari leiðangri og dvaldi fimm og hálfan mánuð í geimstöðinni. Hægt er að fylgjast með lendingunni í beinni útsendingu á vef NASA í nótt.

Scott Kelly hefur tekið fjölda glæsilegra mynda af jörðinni á ...
Scott Kelly hefur tekið fjölda glæsilegra mynda af jörðinni á hringsóli sínu í geimstöðinni. NASA/Scott Kelly

Kelly og Kornienko hafa dvalið í 340 daga í Alþjóðlegu geimstöðinni og þar það lengsta dvöl nokkurra geimfara þar. Þá vantar þá um hundrað daga upp á til að skáka meti Valerís Poljakov sem dvaldi í meira en 437 daga sleitulaust í MÍR-geimstöðinni frá 1994 til 1995.

Tilgangur langdvalarinnar er að kanna hvaða áhrif hún hefur á menn og lítur bandaríska geimvísindastofnun NASA á leiðangurinn sem lið í undirbúningi mannaðra ferða til Mars í framtíðinni. Eineggja tvíburabróðir Kelly, Mark sem sjálfur er fyrrverandi geimfari, tekur þátt í rannsóknunum til að bera saman heilsu þeirra.

Zinnia-blóm sem Scott Kelly ræktaði um borð í Alþjóðlegu geimstöðinni.
Zinnia-blóm sem Scott Kelly ræktaði um borð í Alþjóðlegu geimstöðinni. AFP

Á tíma sínum í geimstöðinni hafa þeir Kelly og Kornienko sé sólina „rísa“ og „setjast“ 10.944 sinnum en geimstöðin fer einn hring í kringum jörðina á um það bil níutíu mínútum. Þeir hafa ferðast rúmlega 231 milljón kílómetra á þessu tæpa ári og farið 5.440 hringi í kringum jörðina, að því er kemur fram í umfjöllun New York Times.

Dvölin var hins vegar ekki aðeins hástemmdar vísindarannsóknir. Í síðustu viku birti Kelly meðal annars myndband af sér svífandi um í górillubúning í geimstöðinni.

mbl.is
Útihurðir
Nr 1. lengd 195.5cm x breidd 69cm x Tvöfalt gler. Án karms, vinstri opnun, litur...
4949 skart hálfesti og armband
Er með nokkrar hálsfestar og armbönd úr 4949 línunni til sölu hægt að skoða inná...
EIGUM ALLSKONAR STIGA Á LAGER
Sjá: http://www.sogem-stairs.com/stairs/ladders/cottage Sími 848 3215 _ Svörum ...
BEYGJANLEGUR HARÐVIÐUR
T.d. á hringstiga og annað bogið, http://www.youtube.com/watch?v=Xh2eO_RaxnQ www...
 
Félagsstarf
Staður og stund
Árskógar Hádegismatur, mexíkanskur hakkr...
Háseti
Sjávarútvegur
Háseti Vísir hf óskar eftir a...
Félagsstarf
Staður og stund
Árskógar Opin smíðastofa kl. 9-15. Opið ...
Vélavörður
Sjávarútvegur
Vélavörður Vísir hf. óskar ef...