Tækni sem gerir notendum kleift að stýra búnaði með hugarorku var kynnt til sögunnar á morgunverðarfundi Nýherja og IBM fyrr í vikunni.
Joshua Carr, verkfræðingur frá IBM í Bretlandi, sýndi lausn sem mælir heilastarfsemi og forritað er til þess að „lesa“ viðbrögð í heila og hreyfingar. Slíkt stjórntæki muna leika lykilhlutverk í nýrri tækni á á komandi árum.
Carr fékk gest á morgunverðarfundinum til þess að stýra BB-8 vélmenni, samskonar vélmenni og notað er í nýjustu Stjörnustríðsmyndinni „The Force Awakens“, með hugarorkunni, eins og sést á myndbandinu.
„Galdurinn“ á bak við tæknina er hugbúnaðarumhverfið IBM Bluemix, en bakgrunnur Bluemix er ofurtölvan Watson, sem byggir á hugrænni tölvun (Cognitive computing). Watson sameinar mannlega vitsmuni og býr yfir getu til þess að vinna úr og geyma áður óþekkt magn gagna.