Nóvembermánuður var sá annar hlýjasti frá því að mælingar hófust samkvæmt tölum Goddard-geimrannsóknamiðstöðvar NASA sem heldur utan um hitastigsmælingar. Hitastigið var tæpri gráðu hærra en nóvembermeðaltal áranna 1951 til 1980 og aðeins 0,07°C lægra en í hlýjasta nóvember mælingasögunnar í fyrra.

Met var slegið í fyrra yfir hlýjasta nóvember frá því að mælingar hófust á seinni hluta 19. aldar. Þá var nóvembermánuður 1,02°C hlýrri en miðgildi þess mánaðar. Tveir hlýjustu nóvembermánuðir í sögunni hafa nú átt sér stað tvö ár í röð.

Frétt Mbl.is: Hitabylgja á norðurskautinu

Gavin Schmidt, forstöðumaður GISS, greindi jafnframt frá því á Twitter í dag að spár stofnunarinnar geri ráð fyrir að árið í ár verði það hlýjasta frá því að mælingar hófust. Meðalhiti ársins verði 1,2°C hærri en undir lok 19. aldar.

Sérlega hlýtt hefur verið á norðuskautinu í haust og byrjun vetrar en þar seinkaði myndun hafíss verulega. Suðlægur vindur og óvenjuhlýr sjór eftir sterkan El nino-viðburð sem fjaraði út fyrr á árinu sem bættist ofan á undirliggjandi hnattræna hlýnun af völdum manna eru sagðar ástæður hlýindanna þar.

Might not feel like it today, but 2016 will be the warmest year in the surface temperature records, 1.2ºC/2ºF above the late 19th C pic.twitter.com/npGM1741Vf

— Gavin Schmidt (@ClimateOfGavin) December 15, 2016

Frétt á vef GISS um meðalhita jarðar í nóvember

Tengdar fréttir

Loftslagsvá

Gretu Thunberg gert að mæta fyrir dóm

• Áhrif hlýnunar mest í Asíu
• Frítt í strætó fyrir viðskiptavini Krónunnar
• „Þeir hafa ekki alveg verið að standa við sitt“
• Stórt svæði orðið eldi að bráð

» Fleiri tengdar fréttir

• Blogga um frétt