Var T-rex blíður elskhugi?

Grameðlugrind.
Grameðlugrind. Wikipedia/ScottRobertAnselmo

Tyrannosaurus rex, ein skelfilegasta skepna jarðsögunnar, kann að hafa stundað blíðlegan forleik áður en hún eðlaði sig, ef svo má að orði komast. Vísindamenn segja grameðluna hafa haft viðkvæm trýni, sem dýrin kunna að hafa nuddað saman fyrir mökun.

Hin hrikalega kjötæta varð allt að 6 metra há og státaði af 23 sm löngum skörðóttum tönnum en var með trýni sem var jafn næmt fyrir snertingu eins og fingur nútímamannsins.

Vísindamenn segja eðluna munu hafa notað trýnið til að rannsaka umhverfið, byggja hreiður og taka egg sín og afkvæmi varlega upp.

Þeir telja einnig mögulegt að karlkyns og kvenkyns grameðlur kunni að hafa notið þess að nudda trýnunum saman í „ástarleik.“

Ályktunina draga þeir í kjölfar fundar nýs fjölskyldumeðlims grameðlufjölskyldunnar, sem hefur verið nefndur daspletosaurus horneri. D horneri var uppi á undan T-rex og var töluvert minni.

Leifar skepnunnar fundust í Montana í Bandaríkjunum og voru óvenjuvel varðveittar. Það var andlit D horneri sem reyndist opna áður luktar dyr að skilningi á þróun tyrannosaur-fjölskyldunnar en á hörðu yfirborði trýnisins reyndust hafa verið fjöldi lítilla taugaopa.

Að því er Guardian greinir frá hefðu þessi op gert hundruðum greina svokallaðrar þrenndartaugar kleift að ná upp á yfirborð trýnisins og breyta því í „þriðju höndina.“

Þessa „tilhögun“ er enn að finna hjá krókódílum en þrenndartaugin hefur sérstöku hlutverki að gegna hjá mörgum spendýrum, eðlum og fuglum, og er t.d. sú taug sem flytur skilaboð frá veiðihárum kattardýra.

mbl.is
Hnakkastólar á aðeins 25.000 svartur rústrauðir og beige www.Egat.is
Hnakkastóll aðeins 25.000 svartur, rústrauðir eða beige 100% visa raðgreiðslur....
LÚGUSTIGAR - SMÍÐUM EFTIR MÁLI
Sérsmíðað, eigum á lager 68x85 og 55x113 Einnig Álstiga í op 45,7x56 eða stærra ...
Húsgagnaviðgerðir
Ég tek að mér viðgerðir á húsgögnum, bæði gömlum og nýjum. Starfsemin fer fram í...
Egat Luxe - Ferðanuddstóll á 39.000 Tilvalið í vinnustaðanudd, Borgar stólinn upp á 1 degi
Egat Luxe - Ferðanuddstóll til söluwww.egat.is simi 8626194 egat@egat.is (sv...
 
Vélavörður
Sjávarútvegur
Vélavörður Vísir hf. óskar ef...
Félagsstarf
Staður og stund
Árskógar Hádegismatur, mexíkanskur hakkr...
Framhald uppboðs
Nauðungarsala
Uppboð Einnig birt á www.naudungarsolu...
Háseti
Sjávarútvegur
Háseti Vísir hf óskar eftir a...