Vökvi sem ögrar þyngdarlögmálinu

Málverk af eðlisfræðingnum Isaac Newton.
Málverk af eðlisfræðingnum Isaac Newton. Mynd/Wikipedia

Eðlisfræðingar hafa búið til vökva með „neikvæðum massa“ sem eykur hraða sinn aftur á bak þegar ýtt er á hann.

Venjan er að þegar ýtt er á hlut auki hann hraða sinn í sömu átt og aflið sem ýtir á hann. Þessu ferli er lýst í öðru lögmáli breska eðlifræðingsins Isaac Newton.

Fræðilega séð getur efni þó haft neikvæðan massa á sama hátt og rafhleðsla getur verið jákvæð eða neikvæð, að því er kemur fram á vef BBC.

Þessu er lýst í eðlisfræðitímaritinu Physical Review Letters.

Prófessorinn Peter Engels frá Washington State-háskólanum og samstarfsmenn hans kældu rúbídín-atóm nálægt alkuli (-273°C) og bjuggu til svokallaða Bose-Einstein-þéttingu. Í framhaldinu tókst þeim að búa til neikvæðan massa.

„Þegar neikvæður massi verður ýtir þú einhverju og það eykur hraða sinn á móti þér,“ sagði Michael Forbes, prófessor við háskólann í Washington, sem vann að rannsókninni.

„Það lítur út fyrir að rúbídínið rekist á ósýnilegan vegg.“

Tæknin sem vísindamennirnir hafa þróað verður notuð til að skilja betur hvernig neikvæður massi virkar.

mbl.is
Aðalskipulag breyting
Tilkynningar
Kynning á tillögum um breytingar á a...
Arkitekt/byggingafræðingur
Sérfræðistörf
VIÐ ERUM AÐ RÁÐA! ARKITEKT // BYGGIN...
Félagsastarf
Staður og stund
Aflagrandi 40 Opin vinnustofa kl. 9 og s...
Álagning vanrækslugjalds
Nauðungarsala
Sýslumaðurinn á Vestfjörðum Auglýsin...