Tesla byggir stærsta batterí í heimi

Jay Weatherill, fylkisstjóri Suður-Ástralíu, og Elon Musk, stofnandi og stjórnandi ...
Jay Weatherill, fylkisstjóri Suður-Ástralíu, og Elon Musk, stofnandi og stjórnandi Tesla. AFP

Stærstu liþíum-rafhlöðu í heimi verður komið fyrir í Suður-Ástralíu. Rafhlöðunni er, að sögn fylkisstjórans Jay Weatherill, ætlað að vernda suðurhluta Ástralíu fyrir orkuskorti, sem valdið hefur rafmagnsleysi í fylkinu.

BBC fjallar um málið og segir um að ræða sögulegan samning milli Tesla-bílaframleiðandans og ástralska Neoen-orkufyrirtækisins.

Um er að ræða 100 megavatta rafhlöðu og á hún að vera tilbúin fyrir lok þessa árs.

„Þessu fylgir vissulega ákveðin áhætta, því þetta verður stærsta rafhlaða í heimi sem við smíðum,“ sagði Elon Musk, stofnandi og stjórnandi Tesla. Bætti hann við að töluverður stærðarmunur yrði á nýju rafhlöðunni og þeirri sem er stærst í dag, en hún er 30 megavött.

Tesla mun sjá um að smíða rafhlöðuna og mun hún í samstarfi við vindmyllugarð Neoen vera í gangi allan sólahringinn og á að geta veitt aukaorku, komi til orkuskorts.

„Þetta mun gjörbreyta því hvernig endurnýjanleg orka er geymd og þetta mun líka auka stöðugleika raforkunets Suður-Ástralíu, sem og að auka þrýsting á að verð lækki,“ sagði Weatherill.

Rafmagnsleysi hefur verið viðvarandi vandamál í Suður-Ástralíu frá því í september í fyrra, sem hefur leitt til pólitískra deilumála um orkustefnu.

mbl.is
VIÐHALD FASTEIGNA
Við þjónustum þig með lítil sem stór verk. Tímavinna eða tilboð. sími: 544-44...
Hleðslutæki fyrir Li-ion og fleira
Hleður og afhleður Lion, LiPo, LiFe (A123), Pb, (Lead Acid) NiCd, NiMH rafhlöður...
Lok á heita potta - 3
Lok á heita potta og hitaveitu- skeljar Stærðir í cm: 200x200, 210x210, 220x220,...
 
L helgafell 6017112219 iv/v
Félagsstarf
? HELGAFELL 6017112219 HogV IV/V M...
Skipulag
Tilkynningar
Borgarbyggð Skipulagsauglýsingar Sv...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Framhald
Nauðungarsala
Uppboð Einnig birt á www.naudungarsolu...