Láku upplýsingum um nýja iPhone-símann

Framhlið nýju kynslóðar iPhone-símans verður nærri fullkomlega þakinn með stórum snertiskjá og mun hafa innrauðan skanni sem þekkir andlitið eiganda síns. Skanninn mun koma í stað lykilorða og fingraskanna. Þetta segja tölvunarfræðingar sem grófu í hugbúnaðarkóða annars Apple-tækis, sem var mögulega lekið.

Grúskuðu í hugbúnaði annars tækis

Hugbúnaðurinn fyrir hátalara Apple Homepod, sem kemur út í lok árs, var gefin út í síðustu viku. Það er óljóst hvort honum hafi verið dreift viljandi, svo forritarar geti hafist handa við að hanna hugbúnað í kringum hann, eða hvort honum hafi verið lekið í leyfisleysi.

Tölvunarfræðingar grúskuðu í hugbúnaðinum og fundu í honum vísanir í önnur tæki, þar á meðal í nýja iPhone-símann. Útfrá upplýsingum kóðans gátu þeir dregið þá ályktun að síminn hefði meðal annars innrauðan skanna, sem þekkti andlit eiganda síns.

Mynd sem sýnir nýtt útlit símans

Tölvunarfræðingarnir fundu einnig smámynd í kóðanum, sem virðist sýna nýtt útlit símans. Á myndinni má sjá síma með stórum snertiskjá sem þekur nærri alla framhlið hans. Þetta telst eðlilegt skref í þróun nýja símans í samanburði við þróun síma hjá öðrum tæknirisum, á borð við Samsung.

Enginn takki verður á símanum og nærri því engin skjábrún. Ekki er víst hvað síminn muni heita en í kóðanum er vitnað í hann sem D22. Þá getur verið að hann muni heita iPhone 8, iPhone X eða iPhone 10.

Líklega verður útgáfudagur símans tilkynntur í september, en hann kemur líklega ekki í sölu fyrr en í lok árs eða jafnvel seinna. Þessu greinir Guardian frá í dag. 

Apple hefur enn ekki tjáð sig um gagnalekann.

• Blogga um frétt