Facebook í samkeppni við YouTube

AFP

Facebook hefur kynnt til leiks nýja efnisveitu þar sem verður að finna efni framleitt af fagmönnum. Veitan verður í beinni samkeppni við Youtube en hugsanlega einnig við efnisveitur á borð við Netflix.

Facebook greindi frá þessu í tilkynningu seint í gær en efnisveitan mun kallast Watch. Þar verður að finna margs konar efni, allt frá raunveruleikasjónvarpi og grínþáttum yfir í beinar íþróttaútsendingar.

„Þarna munt þú finna þætti sem vinir þínir eru að horfa á og þú getur fylgst með uppáhalds efninu þínu og framleiðendunum svo þú missir ekki af neinu,“ segir Mark Zuckerberg stofnandi Facebook. „Þú munt geta spjallað og tengst fólki á meðan á þættinum stendur og gengið í hópa með fólki sem horfir einnig á þættina í kjölfarið og byggt upp samfélag í kringum þá.“

Facebook hefur fjármagnað framleiðslu einhverra þátta til að koma veitunni af stað. Meðal þáttastjórnenda sem búið er að tilkynna um er bloggarinn Nusseir Yassin og Gabby Bernstein.

Til að byrja með verður Watch aðeins aðgengilegt hluta Facebook-notenda í Bandaríkjunum en notendum sem geta nýtt sér þjónustuna verður fjölgað á komandi vikum.

mbl.is
PL Crystal Line, heitustu úrin í Paris.
Með SWAROVSKI kristals skífu, 2ja ára ábyrgð. Sama verð og í heimalandinu 16 til...
Trúlofunar- og giftingarhringar í úrvali
Auk gullhringa eigum við m.a. titanium og silfurpör á fínu verði. Sérsmíði, vönd...
4949 skart hálfesti og armband
Er með nokkrar hálsfestar og armbönd úr 4949 línunni til sölu hægt að skoða inná...
Listakonan í fjörunni
Til sölu stytta eftir Elísabetu Geirmundsdóttur frá Akureyri, sem gekk ævinlega ...
 
Tilboð óskast skólavegi
Húsnæði í boði
TILBOÐ ÓSKAST í húseignina Skólaveg 3 ...
Samkoma
Félagsstarf
Söngsamkoma kl. 20 í Kristni- boðssalnu...
Aðalskipulag snæfellsbæjar
Fundir - mannfagnaðir
Auglýsing á aðalskipulagi Snæfellsbæ...
Land til sölu
Til leigu
Land til sölu Til sölu eða leigu 4,6 h...