Ónæm „ofur malaría“

„Ofur malaría“ sem breiðist hratt út í Suðaustur-Asíu ógnar heilsu mannkyns, að sögn vísindamanna. Þessi gerð af malaríu er ónæm gegn hefðbundnum malaríulyfjum. Upphaflega greindist þessi tegund af malaríu í Kambódíu en hefur einnig fundist í Taílandi, Laos og í suðurhluta Víetnams. BBC greinir frá.  

Læknateymi í Oxford Tropical Medicine Research Unit í Bangkok í Taílandi telja raunverlega hættu á að malarían verði ólæknandi. 

„Við teljum þetta mikla ógn, sérstaklega þar sem þetta breiðist hratt út á þessu landsvæði. Við óttumst að þessi tegund muni ná yfir til Afríku,“ sagði Arjen Dondorp prófessor. 

Á hverju ári smitast yfir 212 milljónir manna af malaríu með moskítóflugnabiti. Malaría er ein helsta dánarorsök barna. 

• Blogga um frétt