Nýr prófessor við Háskólann í Reykjavík

Dr. Ólafur Eysteinn Sigurjónsson.
Dr. Ólafur Eysteinn Sigurjónsson.

Dr. Ólafur Eysteinn Sigurjónsson hefur fengið framgang í stöðu prófessors við tækni- og verkfræðideild Háskólans í Reykjavík. Ólafur hefur verið lektor í heilbrigðisverkfræði við deildina frá 2008 og dósent við sömu deild frá 2014. Þetta kemur fram í fréttatilkynningu.

Hann hefur m.a. kennt sameinda- og frumulíffræði, vefjaverkfræði, lífaflfræði og lífefnisfræði. Ólafur hefur verið forstöðumaður rannsókna og nýsköpunar og stofnfrumuvinnslu Blóðbankans frá 2006. Ólafur er stofnandi og annar af eigendum nýsköpunarfyrirtækisins Platome líftækni og gegnir stöðu rannsóknarstjóra við fyrirtækið. Ólafur hefur setið í stjórn  Skandinavísku lífstoðefnissamtakanna frá árinu 2013 og verið forseti þeirra frá árinu 2016.

„Markmið rannsóknarhóps Ólafs eru m.a. rannsóknir á sviði endurmyndunar-læknisfræði (e. regeneratvie medicine) með áherslu á þróun aðferða til ræktunar stofnfruma utan líkama til klínískrar notkunar og hvernig má beita vefjaverkfræði og lífstoðefnum til beinmyndunar frá stofnfrumum. Ólafur stundar einnig rannsóknir á sviði blóðbankafræða með áherslu á að skilja skemmdir sem verða í rauðfrumum og blóðflögum við geymslu þeirra og hver áhrif smithreinsunar eru á slíkar skemmdir,“ segir í tilkynningu.

Ólafur lauk doktorsprófi við Ónæmisfræðistofnun ríkisháskólasjúkrahússins í Osló og við Lífeðlisfræðistofnun læknadeildar Háskólans í Ósló, árið 2006. Fyrir ritgerð sína „The Differentiation Potential of Human Somatic Stem Cells,“ hlaut Ólafur gullorðu Haralds Noregskonungs árið 2007. Ólafur lauk MSc-gráðu í lífvísindum við læknadeild Háskóla Íslands árið 2001 og BSc-gráðu í sameindalíffræði frá líffræðiskor Háskóla Íslands árið 1998.

mbl.is

Skoðanakannanir

[ Nánar | Allar kannanir í CSV-skrá ]

Eldri borgarar
Staður og stund
Aflagrandi 40 Dagurinn byrjar á opinni v...
Félagsstarf
Staður og stund
Aflagrandi 40 Hjá okkur er opin vinnusto...
Skipulag
Tilkynningar
Borgarbyggð Skipulagsauglýsingar De...
Eldri borgarar
Staður og stund
Aflagrandi 40 Opin vinnustofa kl. 9 og s...