Vara við notkun þráðlauss nets

Mælt er með því að notendur þráðlauss búnaðar noti frekar ...
Mælt er með því að notendur þráðlauss búnaðar noti frekar 3G eða 4G frekar en WiFi tengingu. Morgunblaðið/Ernir

Almennum notendum þráðlauss búnaðar s.s. tölva og farsíma er nú ráðlagt að forðast notkun þráðlauss nets tímabundið vegna alvarlegs veikleika sem hefur uppgötvast í WiFi-öryggisstaðlinum, WPA2, sem á að tryggja öfluga dulkóðun í þráðlausum netkerfum. Þetta kemur fram í frétt Póst- og fjarskiptastofnunar.

Algengasti auðkenningar- og dulkóðunar staðallinn fyrir þráðlausar nettengingar (WiFi) í dag er WPA2. Í dag var gefin út skýrsla um nokkra veikleika í samskiptareglum WPA2 sem gerir hann veikan fyrir árásum á þau tæki sem nota nettengingarnar. Veikleikinn er nefndur „Krack“ eða „Key Reinstallation Attacks“.

Árásaraðili sem er innan dreifisvæðis þráðlausu nettengingarinnar getur nýtt sér veikleikana og þannig lesið upplýsingar sem ættu að vera dulkóðaðar. Í einhverjum tilvikum getur einnig verið mögulegt að breyta gögnum eða koma inn gögnum, t.d. vírusum í gegnum tenginguna á tæki sem tengjast henni.

Þar sem veikleikarnir liggja í samskiptareglunum þá hefur þetta áhrif á alla framleiðendur WiFi búnaðar, stýrikerfa og fleiri. Það sem allir þessir aðilar þurfa að gera er að uppfæra búnaðinn sem fyrst.

Netöryggissveit Póst- og fjarskiptastofnunar, CERT-ÍS, leggur til við notendur snjallsíma, spjaldtölva og fartölva eða annarra tækja með þráðlausa tengimöguleika að nota farnet (3G eða 4G) fjarskiptafélaganna í staðinn og ráðleggur þeim sem nota tölvur að tengjast netinu gegnum netkapal frekar heldur en að nota þráðlaust net.

Ef nauðsynlegt er að tengjast netinu í gegnum þráðlausa óörugga tengingu þá er mælt með því að nota VPN tengingu.

Búast má við því að framleiðendur þráðlauss búnaðar muni uppfæra búnað sinn á næstunni til að bregðast við þessum öryggisbresti en þangað til geta notendur varið sig gegn netárásum með því að slökkva á þráðlausum nettengingum í símum og tölvum (WiFi) og nota eingöngu 3G eða 4G í símum og snjalltækjum og netkapla fyrir tölvur.  

mbl.is
Crystal clean spray
Crystal clean spray, silver spray og multimedia hreinsispray komið. Slovak Krist...
SKRIFSTOFUHERBERGI
TIL LEIGU 2 SKRIFSTOFUHERBERGI Á GÓÐUM STAÐ VIÐ SÍÐUMÚLA. ANNAÐ ER AÐ HEFÐBUNDIN...
Sumarhús – Gestahús – Breytingar O?Fram
Sumarhús - Gestahús - Breytingar ? Framleiðum stórglæsileg sumarhús í ýmsum stær...
 
Framhald uppboðs
Nauðungarsala
Uppboð Einnig birt á www.naudungarsolu...
Samkoma
Félagsstarf
Samkoma kl. 20 í Kristniboðs- salnum. R...
Aðalfundur
Fundir - mannfagnaðir
Aðalfundur Aðalfundur Vör...
Framhald uppboðs
Nauðungarsala
Uppboð Einnig birt á www.naudungarsolu...