Barnaefni misnotað á YouTube

Fjölmörg dæmi eru um að persónur úr vinsælu barnaefni séu ...
Fjölmörg dæmi eru um að persónur úr vinsælu barnaefni séu notaðar í myndböndum á YouTube í misjöfnum tilgangi. Hér verður Elsa prinsessa úr Frozen t.d. fyrir bíl með hrikalegum afleiðingum. Skjáskot/YouTube

Forsvarsmenn YouTube hafa verið krafðir um að vefsíðan komi í veg fyrir að myndbönd sem sýna persónur úr barnaefni í ofbeldisfullum eða kynferðislegum athöfnum verði tekin af vefnum um leið og ábendingar um slíkt berist.  

Rithöfundurinn James Bridle varpar ljósi á það í bloggfærslu hvernig svo virðist sem urmull afkáralegra og ósæmilegra myndbanda sem beint er að börnum fylli YouTube.

Í frétt BBC um málið kemur fram að aðilar á vegum YouTube hafi greint frá því að komið hafi verið í veg fyrir að myndbönd af þessu tagi fái auglýsingatekjur. Í svari frá vefsíðunni kemur fram að starfsmenn síðunnar „samanstandi af foreldrum sem skuldbinda sig til að bæta efni síðunnar stöðugt“.

Nú heyrast hins vegar háværar gagnrýnisraddir þess efnis að YouTube hafi ekki brugðist nógu hratt við ábendingum notenda sem tilkynna myndböndin til síðunnar.

Vandamálið er nú þegar viðurkennt, staðreyndin er sú að starfandi eru aðilar sem nota vinsælar teiknimyndapersónur, svo sem Gurru grís eða Elsu úr Frozen, og stilla þeim upp í ofbeldisfullar og/eða kynferðislegar athafnir í myndböndunum í þeim tilgangi að hræða og sjokkera börn.

Gurra grís er vinsæl teiknimyndapersóna meðal barna. Á YouTube má ...
Gurra grís er vinsæl teiknimyndapersóna meðal barna. Á YouTube má finna þátt sem er ekki frá upphaflegum framleiðendum þar sem allar tennurnar eru dregnar úr Gurru. Skjáskot/Youtube

Bridle fer hins vegar dýpra í færslu sinni í hyldýpinu sem barnaefni á YouTube virðist vera. Samkvæmt athugun hans eru dæmi um að myndbönd séu sett á vefinn með reikniaðferðum í þeim tilgangi að hagnast á þeim persónum barnaefnis sem eru vinsælar hverju sinni.

Líkt og áður segir fullyrða forsvarsmenn YouTube að þeir sem eru ábyrgir fyrir myndböndunum öðlist ekki auglýsingatekjur vegna þeirra. Það á hins vegar aðeins við um myndbönd sem eru tilkynnt af áhorfendum til fyrirtækisins. Fyrirtækið hefur nú greint frá því að unnið verði að því að myndböndin verði aðeins gerð aðgengileg 18 ára og eldri, og muni því ekki birtast í barnaforriti YouTube.

mbl.is
STIGAR OG HANDRIÐ ALLAR MÖGULEGAR GERÐIR
Sjá: http://www.youtube.com/watch?v=73dIQgOl2JQ&feature=channel Facebook > Mag...
Mazda 3 Vision 2015
Mazda 3 Vision 2015 dekurbíll til sölu Einn eigandi, keyrður 34.000 km, sjálfski...
www.skutla.com sendibílar 867-1234
Rafknúin tröpputrilla fyrir ísskàpinn, þvottavélina, þurrkarann o.fl. Skutl, vör...
Allt þetta fólk Þormóðsslysið 18.2. 1943
Þormóðsslysið var hræðilegt áfall og hafði mikil áhrif á Bíldudal og nærsveitir....
 
Framhald uppboðs
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...
Eldri borgarar
Staður og stund
Aflagrandi 40 Opin vinnustofa kl. 9 og j...