Facebook fyrir börn komið á laggirnar

Forritið er sniðið að börnum og samþykki foreldra þarf til ...
Forritið er sniðið að börnum og samþykki foreldra þarf til að nota það. AFP

Samfélagsmiðilinn Facebook er ekki ætlaður notendum yngri en 13 ára, en þó er talið að um 20 milljónir barna undir 13 ára noti Facebook að staðaldri.

Facebook hefur því brugðið á það ráð að opna sérstakt Facebook samskiptaforrit sem er sniðið að börnum og nefnist Messenger Kids. Um er að ræða lokaðan aðgang sem foreldri þarf að samþykkja og hefur Facebook gefið það út að upplýsingarnar sem safnað er saman um hvern notanda verði ekki notaðar til að stýra auglýsingum inn á aðganginn, enda á forrið að vera laust við allar auglýsingar. Smáforritð var sett í loftið síðastliðinn mánudag. BBC greinir frá.

Um er að ræða spjall- og samskiptaforrit í anda Facebook Mesenger þar sem börn geta talað sín á milli undir eftirliti foreldra.

„Foreldrar leyfa börnum sínum í auknum mæli að nota snjallsíma og spjaldtölvur en spurningar hafa vaknað um hvernig börnin nota forritin sem eru í boði og hvernig þau haga sér á samfélagsmiðlum. Þá eru skiptar skoðanir á því hvort börn eigi yfir höfuð að nota samfélagsmiðla,“ segir Loren Cheng, sem hefur umsjón með nýju spjallsvæði barna.

„Við urðum vör við það í samtölum við foreldra að þörfin fyrir nýtt forrit ætlað börnum var til staðar. Við ákváðum því að þróa það í samstarfi við foreldra, börn og sérfræðinga sem hafa þekkingu á málum.“

Ef að tvö börn vilja tengjast í gegnum forritið verður foreldri eða forsjáraðli beggja barna að samþykkja tenginguna. Um leið og það er frágengið er hægt að skiptast á myndböndum, senda myndir og spjalla saman í gegnum forritið. Þá er einnig boðið upp á safn af GIF-mynda, límmiða teikniforrit og aðra sniðuga valmöguleika fyrir börnin til að lífga upp á samtölin.

Fullorðnir einstaklingar sem foreldrar hafa samþykkt geta haft samband við börnin í gegnum forritið en þeir fá þá svörin í gegnum sitt hefðbundna Messenger spjallsvæði.

Það liggur fyrir að forritið mun safna saman upplýsingum um börnin; nöfnum, innihaldi skilaboða og hvernig forritið er notað. Þeim upplýsingum verður deilt með þriðja aðila sem verður að hafa strangar reglur um persónuvernd.

Facebook hefur hins vegar gefið út að upplýsingarnar sem safnað er saman verði ekki notaðar til að knýja áfram hið hefðbundna Facebook. Það er í raun mikilvægt atriði í ljósi þess að auðvelt væri fyrir Facebook að beina auglýsingum að foreldrum út frá því sem börnum þeirra væru að tala um í gegnum Messenger Kids. Þá gæti Facebook nýtt upplýsingarnar til að beina auglýsingum að barninu þegar það hefði náð 13 ára aldri og væri komið inn á hefðbundið Facebook.

Þetta mun hins vegar ekki gerast, samkvæmt Facebook. Upplýsingar um aldur barna koma aldrei fram á þeirra spjallsvæði og því veit Facebook ekki hvenær barnið skiptir um aðgang. Þegar það nær 13 ára aldri þarf það stofna nýjan aðgang og upplýsingarnar flytjast ekki á milli.

Enn sem komið er má aðeins nálgast forritið í gegnum App Store í Bandaríkjunum.

mbl.is
A2B Verktakar
Erum með faglærða aðila í öllum iðngreinum, ertu að flytja og vantar iðnarmann ...
Í jólapakka golfarans
Lagerhreinsun - hentug viðbót í jólapakkann Síðustu eintökin af Vasapésunum á s...
Hermannabuxur
Hermannabuxur til sölu. Upplýsingar í síma: 8935005...
 
Framhald uppboðs
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...
Framhaldsuppboð
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...