Kosið í sendiráðum ytra
Kristinn Ingvarsson
Utankjörfundaratkvæðagreiðsla erlendis vegna þjóðaratkvæðagreiðslu um Icesave, sem fram fer 9. apríl, hefst á morgun, 16. mars. Fer hún fram í öllum sendiráðum Íslands erlendis og aðalræðisskrifstofum Íslands í New York, Winnipeg, og Þórshöfn í Færeyjum.
Einnig er unnt að kjósa utan kjörfundar eftir samkomulagi hjá kjörræðismönnum Íslands erlendis. Búist er við því að kosið verði á u.þ.b. 235 stöðum í 84 löndum. Væntanlegum kjósendum er bent á að hafa samband við ræðismenn áður en þeir koma til að kjósa. Hagnýtar upplýsingar um kosningarnar er að finna á vefsetrinu http://www.kosning.is/thjodaratkvaedagreidslur2011/.
Athygli kjósenda er ennfremur vakin á því, að þeim ber sjálfum að póstleggja atkvæði sín eða koma þeim á annan hátt í tæka tíð til viðkomandi kjörstjórnar á Íslandi.
