McDonald's hættir - Metro tekur við

Metro-máltíð.
Metro-máltíð.

Lyst ehf. mun um mánaðamótin hætta samstarfi við McDonald's skyndibitakeðjuna, en fyrirtækið rekur þrjá veitingastaði samkvæmt sérleyfi frá McDonald's. Rekstri staðanna verður haldið áfram undir nafninu Metro. Þetta kemur fram í tilkynningu.

Fram kemur að ástæðan fyrir breytingunni sé erfitt efnahagsumhverfi hér á landi. Þar ráði hrun gengis íslensku krónunnar mestu. Lyst ehf. hafi undanfarin ár keypt flest hráefni í McDonald's réttina, kjöt, ost, grænmeti og önnur aðföng af erlendum birgjum, samkvæmt kröfum og stöðlum McDonald's.

Gengishrunið, ásamt háum tollum á innfluttar búvörur, hafi tvöfaldað hráefniskostnað fyrirtækisins og gert afkomuna erfiða. Aðilar hafi ekki trú á að efnahagsaðstæður hér batni nægilega til að rekstur veitingastaða undir merkjum McDonald's verði arðbær til lengri tíma.

Þá kemur fram að Metro-staðirnir muni áfram bjóða svipaðar vörur og áþekkan matseðil á sambærilegu verði. Áhersla verði lögð á íslenskt hráefni, gæði og hraða þjónustu eins og áður. Breytingin sé gerð í góðu samkomulagi við McDonald's.

Veitingastaðirnir á á Suðurlandsbraut, í Kringlunni og á Smáratorgi muni halda áfram undir nýju nafni. Einnig komi fram að 10-15 ný störf verðo til hjá innlendum framleiðendum vegna breytingarinnar. Nautakjöt, kjúklingur, mjólkurvörur, sósur, ís, brauð, grænmeti og umbúðir allt frá innlendum framleiðendum.

Þá segir að viðskiptavinir Metro muni frá og með 1. nóvember geta gengið að svipuðum matseðli og hafi verið á McDonald´s stöðunum.

mbl.is

Viðskipti — Fleiri fréttir

Í dag

Í gær

Miðvikudaginn 27. mars

Þriðjudaginn 26. mars

Mánudaginn 25. mars

Sunnudaginn 24. mars

Laugardaginn 23. mars

Föstudaginn 22. mars

Fimmtudaginn 21. mars