Snyrtar lambakótilettur með ferskum brögðum

Hráefni

» 1stk. Lambahryggur

» 10g Olía

» 1stk. Hvítlauksrif

» 1grein. Rósmarín

» Salt og pipar

» 40ml Olía

» 1stk. Rauðlaukur

» 1stk. Kúrbítur

» 1/2stk. Eggaldin

» 1stk. Paprika

» 3stk. Tómatur (vel þroskaður)

» 1msk. Tómatmauk

» 1búnt Kóriander saxað

» 250ml Sýrður rjómi

» 30ml Vatn

» 1stk. Lime ( börkur og safi)

» 1msk Hunang

» 1/5 búnt Saxað kóriander

Fyrir 4 - 6

Lambakótilettur er mjög þekktur íslenskur réttur en þær voru gjarnan teknar með kaldar í útilegu áður en grillmenningin hóf innreið sína. Fólk ætti endilega að prófa þá rétti sem eru sýndir í þessum þætti - bæði hefbundnar kótilettur í raspi og nýstárlegri eldunaraðferð.

Aðferð

Hryggurinn er úrbeinaður. Byrjað á lundunum undir hryggnum. Svo er hryggnum snúið við og skorið meðfram hryggjarsúlunni. Hryggurinn er svo reistur upp á endann og högvinn niður eftir hryggjarsúlunni. Aftari hryggurinn er skorinn af og geymdur til betri dags. Rifinn eru hreinsuð með hníf og snæri. Skorið þvert á fituna og alveg í gegnum sinina.

Saltað og piprað, steikt á pönnu og brúnað á öllum hliðum. Sett í ofnskúffu með olíu, rósmarín og mörðum hvítlauk. Sett inn í ofn á 160 gráður í 10 mín og látið hvíla í 15mín.

Tómat-grænmeti
Allt skorið í jafn stóra teninga. Steikt á pönnu sitt í hvoru lagi í 2mín. Öllu blandað saman og kryddað til.
Sýrð rjómadressing

Öllu blandað saman og smakkað til með salti, pipar og hunangi.

Borið fram með klettasalati.

Þessi uppskrift er notuð í Lambakótilettur með kryddjurta-brauðskel

Meðlæti