Lambakótilettur með kryddjurta-brauðskel
- Hráefni
- » 12 lambakótilettur
- » 1 egg
- » 3 msk mjólk
- » 1 bolli þurr brauðmylsna
- » nýmalaður pipar
- » salt
- » 75 g smjör eða smjörlíki
Fyrir 3 - 4
Kótilettur eins og þær voru hjá mömmu og ömmu á sunnudögum hér áður fyrr - velt upp úr raspi og síðan pönnusteiktar í smjörlíki.Aðferð
Kótiletturnar þerraðar, hluti af fitunni e.t.v. skorinn burt (einkum af rifinu) og barðar létt með buffhamri. Egg og mjólk léttþeytt saman og brauðmylsnan krydduð með pipar og salti ásamt kryddjurtum. Smjörið brætt á stórri, þykkbotna pönnu. Kótelettunum velt upp úr eggjablöndunni og síðan brauðmylsnunni. Brúnaðar á báðum hliðum við góðan hita en síðan er hitinn lækkaður og kótiletturnar steiktar áfram við hægan hita í 8-10 mínútur. Snúið einu sinni. Þá eru þær teknar af pönnunni og raðað á heitt fat. Meira smjör e.t.v. brætt á pönnunni og borið fram með léttsteiktu grænmeti.
Þessi uppskrift er notuð í Snyrtar lambakótilettur með ferskum brögðum
Meðlæti
Snyrtar lambakótilettur með ferskum brögðum
- Hráefni
- » 1stk. Lambahryggur
- » 10g Olía
- » 1stk. Hvítlauksrif
- » 1grein. Rósmarín
- » Salt og pipar
- » 40ml Olía
- » 1stk. Rauðlaukur
- » 1stk. Kúrbítur
- » 1/2stk. Eggaldin
- » 1stk. Paprika
- » 3stk. Tómatur (vel þroskaður)
- » 1msk. Tómatmauk
- » 1búnt Kóriander saxað
- » 250ml Sýrður rjómi
- » 30ml Vatn
- » 1stk. Lime ( börkur og safi)
- » 1msk Hunang
- » 1/5 búnt Saxað kóriander
Fyrir 4 - 6 | skoða myndskeið
Lambakótilettur er mjög þekktur íslenskur réttur en þær voru gjarnan teknar með kaldar í útilegu áður en grillmenningin hóf innreið sína. Fólk ætti endilega að prófa þá rétti sem eru sýndir í þessum þætti - bæði hefbundnar kótilettur í raspi og nýstárlegri eldunaraðferð.Aðferð
Hryggurinn er úrbeinaður. Byrjað á lundunum undir hryggnum. Svo er hryggnum snúið við og skorið meðfram hryggjarsúlunni. Hryggurinn er svo reistur upp á endann og högvinn niður eftir hryggjarsúlunni. Aftari hryggurinn er skorinn af og geymdur til betri dags. Rifinn eru hreinsuð með hníf og snæri. Skorið þvert á fituna og alveg í gegnum sinina.Saltað og piprað, steikt á pönnu og brúnað á öllum hliðum. Sett í ofnskúffu með olíu, rósmarín og mörðum hvítlauk. Sett inn í ofn á 160 gráður í 10 mín og látið hvíla í 15mín.
Tómat-grænmeti
Allt skorið í jafn stóra teninga. Steikt á pönnu sitt í hvoru lagi í 2mín. Öllu blandað saman og kryddað til.
Sýrð rjómadressing
Öllu blandað saman og smakkað til með salti, pipar og hunangi.
Borið fram með klettasalati.
Hér er þriðja vínið frá suður-spænska framleiðandanum Luzon, sem nýlega kom´á markaðinn, en þegar hefur verið fjallað um Luzom Jumilla og Piquito. Í þessu víni fær Monastrell-þrúgan, sem margir þekkja undir franska nafninu Mourvedre, að njóta sín til ...
