New York-bollur bara betri daginn eftir
Setja bókamerki
Tengdar fréttir
Uppskriftir
Óskar Finnsson eldaði bragðmiklar New York-bollur með parmesan en þátturinn var sýndur í síðustu viku á mbl.is og má finna HÉR. Úr afganginum útbjó hann New York-kjötloku og New York-gratín.
„Kjötbollur í góðri tómatasósu eru alltaf vinsælar hjá bæði börnum og fullorðnum. Það þarf ekki að taka langan tíma að matbúa girnilegar bollur sem bragð er að en á mbl.is sýnir Óskar okkur á fimm mínútum hvernig það er gert. Óskar notar í bollurnar hvítlauk, chili og lauk svo eitthvað sé nefnt. Hann steikir bollurnar fyrst á pönnu og klárar svo að elda þær inni í ofni með parmesanosti yfir. Fyrir upptekið nútímafólk er tilvalið að gera tvöfalda uppskrift af bollum og eiga nóg afgangs fyrir aðra máltíð. Hver vill ekki bíta í gómsæta kjötbollusamloku eða kjötbollugratín á köldu vetrarkvöldi áður en borðin fara að svigna undan jólakræsingum og smákökum,“ segir Óskar Finnsson.
New Yorkgratín
Afgangar af New York-kjötbollum
ostur, má nota mozzarella eða það sem finnst í ísskáp
létt salat
baguette-brauð
Setjið bollurnar ásamt sósunni í eldfast mót og setjið fullt af osti ofan á. Bakið í ofni í 12-14 mín. í heitum ofni. Berið fram með salati og baguette.
New York kjötloka
afgangar af New York-kjötbollum
mozzarella ostur,
basil/rucola salat
gott brauð, t.d. baguette
1 tómatur
Skerið ostinn í 1 cm sneiðar. Hitið kjötbollurnar í örbylgjuofni ásamt sósunni og ostinum. Ristið brauðið eða bakið í ofni, leggið þunnar tómatsneiðar á brauðið, setjið 2 bollur sem er búið að hita ofan á og þar næst rucola salat eða basil.
Það er auðvelt að gera afganga miklu meira spennandi með heitu brauði, það er því tilvalið að eiga alltaf baguette-braut í frysti. Til dæmis má nota baguette til að gera girnilegar samlokur með fisk- eða kjötafgöngum og góðri hvítlaukssósu. Afgangspasta er betra með baguette, annaðhvort með smjöri eða hvítlaukssmjöri. Og heitt brauð er snilld með súpum líka.
Smelltu HÉR til að sjá meira af Korter í kvöldmat
Tengdar fréttir
Uppskriftir
Þrjú og hálft ár fyrir skotárás í Úlfarsárdal
Hjón sluppu með skrekkinn
„Það er skiljanlegt að þolinmæði þeirra sé lítil“
Benda á Samgöngustofu sem bendir út í heim
Fjárfestingin 115 milljarðar króna
Kvikan virðist nú skiptast til helminga
„Þögnin er ærandi“