Morgunmatur að hætti Gwyneth Paltrow

Gwyneth Paltrow er annt um heilsuna og lætur því ekki hvað sem er ofan í sig. Á dögunum gaf leikkonan út uppskriftabók sem er stútfull af girnilegum og einföldum uppskriftum fyrir þá sem hafa lítinn tíma fyrir eldamennsku, en vilja þó gera vel við sig.

Acai-skálar fyrir tvo

• 2 tsk. kókosolía
• 4 msk. kókosflögur
• 200 g frosin acai-ber
• 2 bananar
• 4 msk. hrísgrjónamjólk
• 2 Medjool-döðlur, steinhreinsaðar
• 2 msk. möndlusmjör
• 2 msk. chia-fræ
• 4 msk. glútenlaust granóla
• 4 tsk. þurrkuð goji-ber

Bræðið kókosolíuna á pönnu og ristið kókosflögurnar í tvær til þrjár mínútur, þar til þær fara að taka lit. Setjið kókosflögurnar á disk og látið kólna. Skellið acai-berjunum, bönunum, hrísgrjónamjólk, döðlum og möndlusmjöri í blandara og blandið þar til kekkjalaust. Skiptið þessu í tvær skálar og skreytið með chia-fræjunum, goji-berjum, granóla og ristuðu kókosflögunum.

Fleiri girnilega uppskriftir leikkonunnar má nálgast á vef SELF.

• Blogga um frétt