Í síðasta þætti af Korter í kvöldmat töfraði Óskar Finnsson kokkur fram glæsilega fiskibolluborgara. Það þarf aðeins nokkrar bollur á borgara fyrir fjóra, svo kokkurinn gerði sér lítið fyrir og snaraði fram tveimur uppskriftum til að nýta afgangana í. Annars vegar ítalskt fiskibollusalat og hins vegar gulrótafiskibolluragú.

Ítalskt fiskibollusalat

Sjóðið pasta samkvæmt leiðbeiningum á pakka. Skerið fiskibollurnar í báta. Steikið beikonið eða ef þið eigið enn þá steikt beikon frá kvöldinu áður getið þið notað það. Skerið hverja beikonsneið í fjóra hluta. Hitið bollurnar í örbylgjunni. Blandið pastanu, beikoninu, basil og niðurskornum tómötum saman í skál ásamt 4 msk. af ólífuolíu og stráið vel af parmesanosti yfir. Saltið og piprið eftir smekk. Ekki skemmir að hafa gott baguette-brauð með.

Þótt gulrótafiskibolluragú kunni að vera langt og mikið orð er rétturinn ótrúlega fljótlegur og einfaldur. Ásdís Ásgeirsdóttir

Gulrótarfiskibolluragú

Skerið fiskibollurnar í 4–6 báta. Skerið gulræturnar í svipaða stærð og sjóðið í 10 mínútur í söltuðu vatni. Steikið beikonið og skerið í fjóra hluta. Bætið því næst 30 g af smjöri á pönnuna og bræðið. Rétt áður en smjörið verður brúnt eru gulræturnar, fiskibollurnar og beikonið sett út á pönnuna, hitað og velt saman þangað til að bollurnar eru orðnar heitar í gegn. Setjið á disk og myljið svartan pipar yfir, stráið svo 2–3 tsk. af gráðostasósunni yfir og berið fram með brakandi baguette-brauði.

Fiskibollusalat

• 400 gr. slaufupasta
• 100 gr. kokteiltómatar
• 3-4 beikonsneiðar
• parmesanostur
• ferskt basil
• ólífuolía

Fiskibolluragú

• 4-6 fiskibollur
• 500 gr. gulrætur
• 1 búnt Lambhagasalat
• 100 gr. beikon
• 30 gr. smjör

Tengdar fréttir

Korter í kvöldmat

Ómótstæðilegar quesadillas á augnabliki

• Svo miklu meira en jólamatur
• Grísk lambapíta með engri fyrirhöfn
• Eins grískt og það getur orðið
• Best á öðrum degi

» Fleiri tengdar fréttir

• Blogga um frétt