Rétturinn sem Óskar kokkur töfrar fram í þætti dagsins af Korter í kvöldmat sameinar íslenskt sjávarfang og taílenskt krydd á eins einfaldan og fljótlegan máta og mögulegt er. Útkoman verður bragðbomba sem fjölskyldan á eftir að elska.

Uppskrift

Laukur, paprika og chili skorin niður og steikt á pönnu í ólífuolíu við vægan hita. Því næst eru hvítlaukur og engifer flysjaðir og rifnir út á pönnuna með grænmetinu, sem heldur áfram að malla í nokkrar mínútur. Sweet chili-sósunni er bætt á pönnuna og þegar hún er byrjuð að krauma er möndlumjólkinni bætt við.

„Þegar sósan er búin að malla í 4-5 mínútur er hún í raun og veru tilbúin, þá verðum við að smakka hana. Sósan á að vera aðeins of sterk fyrir okkur því þegar hrísgrjón, mangó og rækjur koma saman mildast sósan.“

• Ef sósan er heldur mild er lítið mál að styrkja hana með chiliolíu, cayennepipar eða tabascosósu.

Rækjum og soðnum hrísgrjónum er bætt á pönnuna og öllu hrært vel saman. Mangó er skorið í bita og þegar grjónin og rækjurnar eru orðin heit í gegn er þeim bætt við á pönnuna.

Þá er rétturinn nánast tilbúinn, það eina eftir stendur er að toppa hann með því að kreista safa úr heilu lime yfir.

Ef ferskur kóríander er til á heimilinu er gott að saxa hann niður og strá yfir áður en rétturinn er borinn fram, kóríanderinn gefur bæði gott bragð og svo lítur rétturinn enn betur út.

Hráefni

• 400 gr. rækjur
• 2 pokar hrísgrjón
• 1 rauð paprika
• 2 stk. chili
• 1 gul paprika
• 1 rauðlaukur
• 2 – 3 hvítlauksgeirar
• 1 lime
• 50 gr. engifer
• 1 stórt mangó
• sweet chili sósa
• ólífuolía
• 1 dós möndlu- eða kókosmjólk

Tengdar fréttir

Korter í kvöldmat

Ómótstæðilegar quesadillas á augnabliki

• Svo miklu meira en jólamatur
• Grísk lambapíta með engri fyrirhöfn
• Eins grískt og það getur orðið
• Best á öðrum degi

» Fleiri tengdar fréttir

• Blogga um frétt