Á himneskt.is er mælt með þessum linsubaunapottrétti, sem kallast dal, í haustveðrinu. Linsurnar eru góður próteingjafi úr jurtaríkinu, saðsamar og næringarríkar. Gott er að bera dal fram með lífrænum hrísgrjónum, ofnbökuðu rótargrænmeti og raitu.
Dal
2 hvítlauksrif
2 msk. engiferskot
1 ½ msk. lífrænt Madras-karrí
1 tsk. túrmerik
1 msk. kókosolía
1 lítið blómkálshöfuð eða ½ stórt, skorið í munnbita
250 g rauðar linsur (½ poki)
1 dós kókosmjólk
400-500 ml vatn (hægt að nota bara vatn ef vill – þá ca. 800 ml, en kókosmjólkin gefur dásamlega áferð)
1 ½ tsk. sjávarsalt
3-4 tsk. sítrónusafi
Cayenne-pipar eftir smekk
Vænn slurkur af hvítlauksólífuolíu
Skerið niður lauk, hvítlauk og blómkál í bita. Hitið olíu í potti og mýkið laukinn og hvítlaukinn ásamt kryddum í 2-3 mínútur. Þetta er gert til að opna bragðið af kryddunum. Bætið svo blómkálsbitunum út í, því næst linsunum, vökvanum og saltinu. Látið suðuna koma upp og lækkið svo hitann þannig að allt malli í rólegheitum í u.þ.b. 20 mín. – eða þar til blómkálið er orðið mjúkt og linsurnar orðnar að hálfgerðri kássu. Hrærið í af og til og fylgist með að brenni ekki í botninn. Hafið pottinn opinn, en ekki of háan hita. Í lokin, þegar dalið er tilbúið, bætið þá sítrónusafanum, cayenne-pipar og smávegis af hvítlauksolíunni út í. Smakkið dalið, ef ykkur finnst það mega vera bragðmeira bætið við smá salti, sítrónusafa eða hvítlauksólífuolíu.
Sætar kartöflur
1 msk. kókosolía, ef vill
½ dl vatn
smá salt
Afhýðið sætu kartöfluna og skerið í passlega bita. Forhitið ofninn í 180°C. Bakið í 20-30 mín. og hrærið nokkrum sinnum. Það er örlítið misjafnt eftir ofnum og stærð bitanna hversu lengi þær eru að bakast, þær gætu þurft aðeins lengri tíma.
Raita
1/3 agúrka, skorin í bita eða rifin með rifjárni
1 hvítlauksrif, pressað
Blandið öllu saman í skál.
Hvítlauksólífuolía